- Тёрдеги кюлсе, эшикдеги ышарыр.
- Ашыкъгъанны этеги бутуна чырмалыр.
- Ач да бол, токъ да бол – намысынга бек бол.
- Адам къыйынлыгъын кёлтюрюр, зауукълугъун кёлтюрмез.
- Аууз сакълагъан – джан сакълар.
- Адеб этмеген, адеб кёрмез.
- Къонакъ кёб келюучю юйню, къазаны отдан тюшмез.
- Аш берме да, къаш бер.
- Атынг аманнга чыкъгъандан эсе, джанынг тамагъынгдан чыкъсын.
- Кюл тюбюндеги от кёрюнмейди.
- Эки къатын алгъанны къулагъы тынгнгаймаз.
- Кёзден кетген, кёлден да кетеди.
- Аууздан келген, къолдан келсе, ким да патчах болур эди.
- Келлик заман – къартлыкъ келтирир, кетген заман – джашлыкъ ёлтюрюр.
- Бек анасы джыламаз.
- Билим къая тешер.
- Акъыллы айтыр эди, акъылсыз къоймайды.
- Адамны джюреги нени кёрюрге сюйсе, кёзю да аны кёрюрге ёч болады.
- Ётген ёмюр – акъгъан суу.
- Элде адам къалмаса, ит тахтагъа минер.
- Къарын къуру болса, джюрек уру болур.
- Ашыкъгъан cуу, тенгизге джетмез.
- Азыкъ аз болса, эртде орун сал.
- Ёлген ийнек сютлю болур.
- Гугурук къычырмаса да, тангны атары къалмаз.
- Къумурсхала джыйылсала, пилни да джыгъадыла.
- Тамчы таш тешер.
- Ачлыкъ отха секиртир.
- Тюз сёз баргъан сууну тыяр.
- Къыз келсе, джумуш эте келеди, къатын келсе, ушакъ эте келеди.
- Аджашханны ызындагъы кёреди, джангылгъанны джанындагъы биледи.
- Ачлыкъда тары гырджын халыуадан татлы.
- Къыйынлы джети элге оноу этер.
- Къазанда болса, чолпугъа чыгъар.
- Аджалсыз ёлюм болмаз.
- Ауузу аманнга «иги», деме.
- Къартха ушагъан джаш – акъыллы, джашха ушагъан къарт – тели.
- Кёб ант этген, кёб ётюрюк айтыр.
- Урунуу – насыбны анасы.
- Сормай – алма, чакъырылмай – барма.
- Керек ташны ауурлугъу джокъ.
- Чоюнну башы ачыкъ болса, итге уят керекди.
- Эринчекни аурууу – кёб.
- Бети бедерден, намыс сакълама.
- Джарлыны тону джаз битер.
- Ашда уялгъан – мухар, ишде уялгъан – хомух.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эркиши – от, тиширыу – суу.
- Билим насыб берир, билим джолну керир.
- Джангыз торгъай джырламаз.