- Аман адамны тепсинге олтуртсанг, къызынгы тилер.
- Къошда джокъгъа – юлюш джокъ.
- Бек анасы джыламаз.
- Иги болса, тамадама – махтау, аман болса, меннге – айыб.
- Рысхы джалгъанды: келген да этер, кетген да этер.
- Джукъу тёшек сайламайды.
- Азыгъы аз, алгъа къабар, аты аман, алгъа чабар.
- Баш – акъыл ючюн, акъылман – халкъ ючюн.
- Ёксюзню къалачы уллу кёрюнюр.
- Билим ат болуб да чабар, къуш болуб да учар.
- Билим насыб берир, билим джолну керир.
- Башсыз урчукъ тюзюне айланмаз.
- Къонакъны къачан кетерин сорма, къачан келлигин сор.
- Джырчы ёлсе, джыры къалыр.
- Ашын ашагъанынгы, башын да сыйла.
- Окъугъанны бети джарыкъ.
- Тилчи бир сагъатха айлыкъ хата этер.
- Джаш болсун, къыз болсун, акъылы, саны тюз болсун.
- Ишлерге уял да, ашаргъа табма.
- Элиб деген, элге болушур.
- Хаухну атма, ёнгкючню сатма.
- Бал ашаргъа сюе эсенг, чибин ургъаннга тёз.
- Эте билген, этген этеди, эте билмеген, юретген этеди!
- Адам сёзге тынгыла, акъыл сёзню ангыла.
- Сабийликде юретмесенг, уллу болса – тюзелмез.
- Адамны артындан къара сабан сюрме.
- Къызын тута билмеген, тул этер, джашын тута билмеген, къул этер.
- Хар зат кесини орнуна иги.
- Тойгъа барсанг, тоюб бар, эски тонунгу къоюб бар.
- Ат басханны джер билед.
- Илму – джашауну джолу.
- Намыс сатылыб алынмайды.
- Кюлме джашха – келир башха.
- Керек ташны ауурлугъу джокъ.
- Мураты болгъанны джюрек тебюую башхады.
- Зар адамны насыбы болмаз.
- Эки итни арасына сюек атма, эки адамны арасында сёз чыгъарма.
- Тойгъан антын унутур.
- Аманны къуугъан, аманлыкъ табар.
- Ат да турмайды бир териде.
- Бёрю да ач къалмасын, эчки да ашалмасын.
- Ашхы болсанг, атынг чыгъар, аман болсанг, джанынг чыгъар.
- Джарлы тюеге минсе да, ит къабар.
- Кёб ант этген, кёб ётюрюк айтыр.
- Сютню башын джалагъан къутулур, тюбюн ичген тутулур.
- Аш хазыр болса, иш харам болур.
- Ач – эснер, ат – кишнер.
- Телини эшигин, махтау джабар.
- Сууда джау джокъ, кёб сёзде магъана джокъ.
- Иги бла джюрюсенг, джетерсе муратынга, аман бла джюрюсенг, къалырса уятха.