- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эринчекни аурууу – кёб.
- Шекер бла туз – бир болмаз, ушамагъан – юй болмаз.
- Кёз – сюйген джерде, къол – ауругъан джерде.
- Джети тилни билген джети кишиди.
- Хар зат кесини орнуна иги.
- Тойгъандан сора, ашны сёкме.
- Ачыкъ джюрекге джол – ачыкъ.
- Кеси юйюмде мен да ханма.
- Айран ичген – къутулду, джугъусун джалагъан – тутулду.
- Аджаллыгъа окъсуз шкок атылыр.
- Эртде тургъан джылкъычыны эркек аты тай табар.
- Кесинг сынамагъан затны, адамгъа буюрма.
- Кёл ашады да, кеси ашады.
- Келинни – келгинчи, бёркню кийгинчи кёр.
- Юйлю уругъа ит чабмаз.
- Къонагъынгы артмагъын алма да, алгъышын ал.
- Азыкъ аз болса, эртде орун сал.
- Хансыз джомакъ болмаз.
- Туз, гырджын аша, тюзлюк бла джаша.
- Тилчи тилден къаныкъмаз.
- Терек ауса, отунчу – кёб.
- Хатерли къул болур.
- Башы джабылгъан челекге, кир тюшмез.
- Хар ишни да аллы къыйынды.
- Кесинге джетмегенни, кёб сёлешме.
- Халкъны юйю – туугъан джери.
- Джумушакъ терекни къурт ашар.
- Къартны бурнун сюрт да, оноугъа тут.
- Сёлеш деб шай берген, тохта деб, сом берген.
- Бал ашаргъа сюе эсенг, чибин ургъаннга тёз.
- Ёпкелегенни ашы татлы болады.
- Окъдан джара эртде-кеч болса да бителир, сёз джара, ёмюрге къалыр.
- Къартха ушагъан джаш – акъыллы, джашха ушагъан къарт – тели.
- Къазанны башы ачыкъ болса, итге уят керекди.
- «Ёгюз, джаргъа джууукъ барма, меннге джюк боллукъса», - дегенди эшек.
- Аджалсыз ёлюм болмаз.
- Арбаз къынгырды да, ийнек сауалмайма.
- Кечеси – аяз, кюню – къыш, джарлы къаргъагъа бир аш тюш!
- Ариу сёз – къылычдан джити.
- Ишге юренсин къоллары, халкъ бла болсун джоллары.
- Суу кетер, таш къалыр.
- Аурууну келиую тынч, кетиую – къыйын.
- Ариу сёз аурууунгу алыр.
- Ашлыкъны арба юйге келтирир, чана базаргъа элтир.
- Джылар джаш, атасыны сакъалы бла ойнар.
- Эки элинги тыйсанг, джети элде махталырса.
- Эркишини аманы тиширыуну джылатыр.
- Кирсизни – саны таза, халалны – къаны таза.
- Ашатыргъа иш – ашхы, ишлетирге аш – ашхы.
|
Сылпагъар_ Салых
|
