- Эшекни не къадар тюйсенг да, ат болмаз.
- Эрни эр этерик да, къара джер этерик да, тиширыуду.
- Къатын къылыкъсыз, эр тынчлыкъсыз.
- Келлик заман – къартлыкъ келтирир, кетген заман – джашлыкъ ёлтюрюр.
- Байдан умут эте, джарлыдан ёгюз багъасы къорады.
- Къартны бурнун сюрт да, оноугъа тут.
- Кюлме джашха – келир башха.
- Тас болгъан бычакъны сабы – алтын.
- Эки ойлашыб, бир сёлешген.
- Ишленмеген джаш – джюгенсиз ат, ишленмеген къыз – тузсуз хант.
- Ёлген аслан – сау чычхан.
- Чабакъ башындан чирийди.
- Тешигини къатында, чычхан да батыр болур.
- Тил джюрекге джол ишлейди.
- Баланы адам этген анады.
- Билим къая тешер.
- Айыбны суу бла джууалмазса.
- Аманны тукъумуна къарама, игини тукъумун сорма.
- Джюрекге ариу – кёзге да ариу.
- Эки къатын алгъан – эки ташны ортасына башын салгъан.
- Тешик этген тынчды, аны джамагъан къыйынды.
- Тыш элде солтан болгъандан эсе, кесинги элде олтан болгъан игиди!
- Джылар джаш, атасыны сакъалы бла ойнар.
- Бёрю да ач къалмасын, эчки да ашалмасын.
- Билмезни кёзю кёрмез, этмезни къулагъы эшитмез.
- Билимсиз иш бармаз.
- Аурууну келиую тынч, кетиую – къыйын.
- Эм ашхы къайын ана мамукъ бла башынгы тешер.
- Ишге юренсин къоллары, халкъ бла болсун джоллары.
- Аман адам этегингден тутса, кес да къач.
- Хунаны тюбюн къазсанг, юсюнге ауар.
- Ёгюзню мюйюзлери ауурлукъ этмейдиле.
- Ёксюзню тилеги къабыл болур.
- Аман киши кеси юйюнде – къонакъ.
- Айтхан сёзюне табылгъан.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Адамны аты башхача, акъылы да башхады.
- Джаханимни кёрмей, джандетге кёл салмазса.
- Рысхы – сют юсюнде кёмюк кибикди.
- Аман эсирсе, юйюн ояр.
- Ётюрюкчюню шагъаты – къатында.
- Ашхы адам – халкъ байлыгъы, ашхы джер – джашау байлыгъы.
- Керти сёзге тёре джокъ.
- Илму – джашауну джолу.
- Насыб бютеу халкъны юлюшюдю.
- Тилчиден кери бол.
- Байма, деб да, къууанма, джарлыма, деб да, джылама.
- Сёз къанатсыз учар.
- Окъуу – билимни ачхычы, окъуу – дунияны бачхычы.
- Джюз элде джюз ёгюзюм болгъандан эсе, джюз джууугъум болсун.