- Ашхы – джыяр, аман – джояр.
- Чомарт къонакъ юй иесин сыйлар.
- Ёмюрлюк шохлукъну джел элтмез.
- Акъыл бла адеб эгизледиле.
- «Ма», - дегенни билмесенг, «бер», - дегенни билмезсе.
- Аман хансны – урлугъу кёб.
- Джангыз торгъай джырламаз.
- Уясында не кёрсе, учханында аны этер.
- Тойгъанлыкъ къойгъа джарашады.
- Ауругъаннга – кийик саулукъ, джетген къызгъа – чилле джаулукъ.
- Татлы тилде – сёз ариу, чемер къолда – иш ариу.
- Тёгюлген тюгел джыйылмайды.
- Чабакъгъа акъыл, табагъа тюшсе келеди.
- Намысы болмагъанны, сыйы болмаз.
- Юйюнг бла джау болгъандан эсе, элинг бла джау бол.
- Сескекли кесин билдирир.
- Аманны тукъумуна къарама, игини тукъумун сорма.
- Кимни – тили, тиши онглу, кимни – къолу, иши онглу.
- Байлыкъ тауусулур, билим тауусулмаз.
- Рысхы – насыбха къор.
- Эллинг бла джау болсанг да, юйюнг бла джау болма.
- Тойгъа барсанг, тоюб бар, эски тонунгу къоюб бар.
- Джюз элде джюз ёгюзюм болгъандан эсе, джюз джууугъум болсун.
- Артына баргъанны, къатына барма.
- Ач къалгъандан, кеч къалгъан къолай.
- Кёзюнде тереги болгъан, чёбю болгъаннга кюле эди.
- Ёпкелегенни ашы татлы болады.
- Ач, тоймам, дейди, тойгъан, ач болмам, дейди.
- Тюзлюк тас болмайды.
- Окъуусуз билим – джокъ, билимсиз кюнюнг – джокъ.
- Телиге от эт десенг, юйюнге от салыр.
- Башы джабылгъан челекге, кир тюшмез.
- Босагъа таш юйге кирмей эди, тыбыр таш эшикге чыкъмай эди.
- Бети – къучакълар, джюреги – бычакълар.
- Ана – юйню кюн джарыгъы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашда уялгъан – мухар, ишде уялгъан – хомух.
- Дуния малгъа сатылма, кесингден телиге къатылма.
- Ач – эснер, ат – кишнер.
- Уллу сёлешме да, уллу къаб.
- Эм ашхы къайын ана мамукъ бла башынгы тешер.
- Иги джашны ышаны – аз сёлешиб, кёб тынгылар.
- Къарнынг къанлынга кийирир.
- Суугъа – таянма, джаугъа – ийнанма.
- Ашхы атаны – джашы ашхы, ашхы ананы – къызы ашхы.
- Бир онгсуз адам адет чыгъарды, деб эштирик тюлсе.
- Сабийни джумушха джибер да, ызындан бар.
- Ашарыкъда сайлагъаннга – чий гырджын.
- Айраннга суу къош, телиге джол бош.
- Берекет берсин деген джерде, берекет болур.
Ёзден адет, Нарт сёзле, Къарачай-Малкъар халкъны иннет тёреси
Ответы
 |
|
|
|
|
|
Тыпыры - это по-балкарски "тыбыры", наверное. Или "тыпыр" что-то другое?
Я самая классная на форуме))))))))))))))
|
|
|
|
|
|
Очень нравится пословица : Джеталмагъан джер тырнар.
|
|
|
|
|
|
Вчера в стихотворении Билала Лайпанова прочила: "Джыланны башыны къуйругъундан тарыкъгъанча".
Я самая классная на форуме))))))))))))))
|
||||
|
|
|
|||
Читают тему (гостей: 1)