- Джылыгъа джылан илешир.
- Тил – миллетни джаны.
- Нарт сёз къарт болмаз.
- Кёл ашады да, кеси ашады.
- Ана къолу ачытмаз.
- Аш иеси бла татлыды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тура эдим джата, къайдан чыкъды хата?
- Тил джюрекге джол ишлейди.
- Бир абыннган – минг сюрюнюр.
- Чакъырылмагъан къонакъ – орунсуз.
- Нарт сёз – тилни бети.
- Суугъа – чабакъ, къаягъа – ыргъакъ.
- Юйлю уругъа ит чабмаз.
- Дуния малгъа сатылма, кесингден телиге къатылма.
- Сескекли кесин билдирир.
- Эм уллу байлыкъ – джан саулукъ.
- Къан бла кирген, джан бла чыгъар.
- Агъач – джерни чырайы, кийим – эрни чырайы.
- Биреуню эскиси биреуге джангы болмайды.
- Кёбню кёрген – кёб билир.
- Аджашханны ызындагъы кёреди, джангылгъанны джанындагъы биледи.
- Джарлыны эшигин махтагъан джабар.
- Намысы джокъну – дуниясы джокъ.
- Къарын къуру болса, джюрек уру болур.
- Къууут – джелге, берне – бошха.
- Иги адам абынса да, джангылмаз.
- Тин – байлыгъынг, терен саулугъунг.
- Элни кючю – эмеген.
- Акъыллы – эл иеси, тели – эл баласы.
- Къайгъы тюбю – тенгиз.
- Тойгъан антын унутур.
- Шапа кёб болса, аш татымсыз болур.
- Ач – эснер, ат – кишнер.
- Ётюрюкчюню шагъаты – къатында.
- Ётюрюк хапар аякъ тюбю бла джюрюйдю.
- Къая джолда джортма, ачыкъ сёзден къоркъма.
- Джырчы джырчыгъа – къарнаш.
- Гугук кесини атын айтыб къычыргъанча, мен, мен деб нек тураса?
- Ойнай билмеген, оюн бузар.
- Борчунг бар эсе, хурджунунга ойлаб узал.
- Келинин тута билмеген, къул этер, къызын тута билмеген, тул этер.
- Джюрек кёзден алгъа кёрюр.
- Биреуню тёрюнден, кесинги эшик артынг игиди.
- Ач къарынны, токъ билмез
- Джарашыу сюйген – джалынчакъ.
- Адамны адамлыгъы къыйынлыкъда айгъакъланады.
- Ариу сёз аурууунгу алыр.
- Окъ къызбайны джокълайды.
- Къызын тута билмеген, тул этер, джашын тута билмеген, къул этер.
)))