- Чомартха хар кюн да байрамды.
- Юй кюйдю да, кюйюз чыкъды, ортасындан тюйюш чыкъды.
- Эм ашхы къайын ана мамукъ бла башынгы тешер.
- Киштикге къанат битсе, чыпчыкъ къалмаз эди.
- Джылкъыдан – ат чыгъар, тукъумдан – джаш чыгъар.
- Ётюрюкден тюбю джокъ, кёлтюрюрге джиби джокъ.
- Тёрде – темир таякълы, къаяда – чыпчыкъ аякълы.
- Артына баргъанны, къатына барма.
- Эл ауузу – элек, анга ийнаннган – халек.
- Чомартны къолу берекет.
- Ачлыкъ отха секиртир.
- Нёгерсизни джолу узун.
- Ким бла джюрюсенг, аны кёзю бла кёрюнюрсе.
- Татлы сёз – балдан татлы.
- Сагъыш – къартлыкъгъа сюйюмчю.
- Иши джокъну, сыйы джокъ.
- Атадан ёксюз – бир ёксюз, анадан ёксюз – эки ёксюз.
- Агъач – джерни чырайы, кийим – эрни чырайы.
- Телиге от эт десенг, юйюнге от салыр.
- Джангыз терек къынгыр ёсер.
- Тулпарлыкъ, билекден тюл – джюрекден.
- Эшекни не къадар тюйсенг да, ат болмаз.
- Кесинге джетмегенни, кёб сёлешме.
- Аякъларынгы джууургъанынга кёре узат.
- Къонакъ болсанг, ийнакъ бол.
- Билмезни кёзю кёрмез, этмезни къулагъы эшитмез.
- Тенгни тенглиги джашай барсанг билинир.
- Иги джашны ышаны – аз сёлешиб, кёб тынгылар.
- Огъурлуну сёзю – суу, огъурсузну сёзю – уу.
- Аман адам этегингден тутса, кес да къач.
- Сагъышы джокъ – джукъучу, акъылы джокъ – къаугъачы.
- Адеб джокъда, намыс джокъ.
- Ач къарынны, токъ билмез
- Къонакъ хазыр болгъанлыкъгъа, къонакъбай хазыр тюлдю.
- Джол бла сёзню къыйыры джокъ.
- Къарнынг къанлынга кийирир.
- Ханы къызы буюгъа-буюгъа киштик болду.
- Къозулугъунда тоймагъан, къойлугъунда тоймаз.
- Къралынгы – душмандан, башынгы от бла суудан сакъла.
- Къартны бурнун сюрт да, оноугъа тут.
- Хунаны тюбюн къазсанг, юсюнге ауар.
- Урама да – ёледи, сатама да – келеди.
- Ачны эсинде – аш.
- Къарт болгъан джерде, берекет болур, сабий болгъан джерде, оюн болур.
- Таугъа чыгъаллыкъ эсенг, тюзде къалма.
- Къызбайны юйюне дери сюрсенг, батыр болур.
- Узун джолну барсанг, бюгюн келирсе, къысха джолну барсанг, тамбла келирсе.
- Билимсиз иш бармаз.
- Бек анасы джыламаз.
- Акъыллы айтыр эди, акъылсыз къоймайды.
Профиль
|
|
|||