- Ханнга да келеди хариблик.
- Суугъа – чабакъ, къаягъа – ыргъакъ.
- Окъдан джара эртде-кеч болса да бителир, сёз джара, ёмюрге къалыр.
- Дуния малгъа сатылма, кесингден телиге къатылма.
- Ач отунчуну ачыуу – бурнунда.
- Ариуну – ауруу кёб.
- Биреуге аманлыкъны тилеме да, кесинге ашхылыкъны тиле.
- Атынг аманнга чыкъгъандан эсе, джанынг тамагъынгдан чыкъсын.
- Зар адам ашынгы ашар, кесинги сатар.
- Аманнга да, игиге да оноусуз къатышма.
- Эли джокъну – кёлю джокъ.
- Аш хазыр болса, иш харам болур.
- Биреуге аманлыкъ этиб, кесинге игилик табмазса.
- Аз сёлеш, кёб ишле.
- Билимли ёлмез, билимсиз кёрмез.
- Эринчекге кюн узун.
- Джолунга кёре – джюрюшюнг, джагъанга кёре – юлюшюнг.
- Битмегеннге сакъал – танг.
- Ауурну тюбю бла, дженгилни башы бла джюрюген.
- Тойгъандан сора, ашны сёкме.
- Адеб этмеген, адеб кёрмез.
- Хантына кёре тузу, юйюне кёре къызы.
- Хар ишни да аллы къыйынды.
- Ишни аллы бла къууанма да, арты бла къууан.
- Бети къызарыучу адамны, джюреги харам болмаз.
- Эшекге миннген – биринчи айыб, андан джыгъылгъан – экинчи айыб.
- Адамгъа аман кюн соруб келмейди.
- Азыкълы ат арымаз, къатыны аман джарымаз.
- Ёлмесенг да, къарт дамы болмазса?
- Кийимни бичсенг, кенг бич, тар этген къыйын тюлдю.
- Ашлыкъны арба юйге келтирир, чана базаргъа элтир.
- Керилген да, ургъан кибикди.
- Артына баргъанны, къатына барма.
- Кюн кёрмеген, кюн кёрсе, кюндюз чыракъ джандырыр.
- Бек ашыкъгъан меннге джетсин, дегенди аракъы.
- Джукъу тёшек сайламайды.
- Къыз келсе, джумуш эте келеди, къатын келсе, ушакъ эте келеди.
- Ёгюзню мюйюзюнден тутадыла, адамны сёзюнден тутадыла.
- Акъыл бла адеб эгизледиле.
- Рысхы джалгъанды: келген да этер, кетген да этер.
- Къарны аманнга къазан такъдырма, къолу аманнга от джакъдырма.
- Олтуруб кёрюнмей эди да, ёрге туруб кёрюне эди.
- Таукел къуру къалмаз.
- Аш кетер да бет къалыр.
- Къарт айтханны этмеген, къартаймаз.
- Аурууну келиую тынч, кетиую – къыйын.
- Ата – баланы уясы.
- Мадар болса, къадар болур.
- Тау башында, тау болмаз, джангыз терек, бау болмаз.
- Джашда акъыл джокъ, къартда къарыу джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72