- Нафысынгы айтханын этме, намысынгы айтханын эт.
- Тулпарлыкъ, билекден тюл – джюрекден.
- Адеб джокъда, намыс джокъ.
- Халкъны джырын джырласанг, халкъ санга эжиу этер.
- Керилген да, ургъан кибикди.
- Ашда уялгъан – мухар, ишде уялгъан – хомух.
- Ачыкъ джюрекге джол – ачыкъ.
- Ариу – кёзге, акъыл – джюрекге.
- Ёмюрлюк шохлукъну джел элтмез.
- Аз айтсам, кёб ангылагъыз.
- Тилде сюек болмаса да, сюек сындырыр.
- Келгинчи, къонакъ уялыр, келгенден сора, къонакъбай уялыр.
- Ана кёлю – балада, бала кёлю – талада.
- Къызгъанчдан ычхыныр, мухардан ычхынмаз.
- Тилчиден кери бол.
- Ёнгкюч къууана барыр, джылай келир.
- Къызбайны юйюне дери сюрсенг, батыр болур.
- Берекет берсин деген джерде, берекет болур.
- Акъыл неден да кючлюдю.
- Окъ къызбайны джокълайды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Уллу суу бла уллу ауруудан башынгы сакъла.
- Хар ишни да аллы къыйынды.
- Махтаннган къыз, тойда джукълар.
- Уллу айтханны этмеген – уллаймаз.
- Ургъан суудан башынгы сакъла.
- Къанны къан бла джуума, аманны аман бла къуума.
- Бёрю да ач къалмасын, эчки да ашалмасын.
- Къарнынг къанлынга кийирир.
- Агъач – джерни чырайы, кийим – эрни чырайы.
- Биреуню къыйынлыгъы бла кесинге джол ишлеме.
- Адебсиз адам – джюгенсиз ат.
- Къошда джокъгъа – юлюш джокъ.
- Ауузу аманнга «иги», деме.
- Къызны минг тилер, бир алыр.
- Эркишиге тары кебек танг кёрюнюр.
- Эм уллу байлыкъ – джан саулукъ.
- Къарт болгъан джерде, берекет болур, сабий болгъан джерде, оюн болур.
- Насыб бютеу халкъны юлюшюдю.
- Минг тенг да азды, бир джау да кёбдю.
- Эркиши – от, тиширыу – суу.
- Иги сёз – джаннга азыкъ, аман сёз башха – къазыкъ.
- Аурууну келиую тынч, кетиую – къыйын.
- Ашхы сёз таш тешер.
- Окъдан джара эртде-кеч болса да бителир, сёз джара, ёмюрге къалыр.
- Сыфатында болмагъаны, суратында болмаз.
- Джогъун бар этген, барын бал этген.
- Босагъагъа джууукъ орун болса, ашыгъыб тёрге озма.
- Арба аугъандан сора, джол кёргюзтюучю кёб болур.
- Бастасын ашагъан, хантусун да ичер.
Профиль
|
|
|||