- Тойну къарнашы – харс, джырны къарнашы – эжиу.
- Билеги кючлю, бирни джыгъар, билими кючлю, мингни джыгъар.
- Ишленмеклик адамлыкъды.
- Асхат ашлыкъ сата, юйдегиси ачдан къата.
- Адам сёзге тынгыла, акъыл сёзню ангыла.
- Ашхы – джыяр, аман – джояр.
- Биреуге кёлтюрген таягъынг, кесинги башынга урур.
- Мал кёб болса, джууукъ кёб болур.
- Борчунг бар эсе, хурджунунга ойлаб узал.
- Аман хансны – урлугъу кёб.
- Рысхы джалгъанды: келген да этер, кетген да этер.
- Уясында не кёрсе, учханында аны этер.
- Мен да «сен», дейме, сен да «кесим», дейсе.
- Эшекни не къадар тюйсенг да, ат болмаз.
- Арыгъан къош чамчы болур.
- Сабыр джетер муратха, сабырсыз къалыр уятха.
- Юре билмеген ит, къонакъ келтирир.
- Башда акъыл болмаса, эки аякъгъа кюч джетер.
- Олтуруб кёрюнмей эди да, ёрге туруб кёрюне эди.
- Къарт болгъан джерде, берекет болур, сабий болгъан джерде, оюн болур.
- Бир абыннган – минг сюрюнюр.
- Джылыгъа джылан илешир.
- Адеб джокъда, намыс джокъ.
- Суу ичген шауданынга тюкюрме.
- Кирсизни – саны таза, халалны – къаны таза.
- Акъыл бла адеб эгизледиле.
- Кесинг сынамагъан затны, адамгъа буюрма.
- Чомарт къолда мал къалмаз.
- Чакъырылмагъан джерге барма, чакъырылгъан джерден къалма.
- Хар адамгъа кеси миннген тау кибик.
- Чыкълы кюнде чыкъмагъан, чыкъса къуру кирмеген.
- Хар ишни да аллы къыйынды.
- Айран ичген – къутулду, джугъусун джалагъан – тутулду.
- Артына баргъанны, къатына барма.
- Ашхы болсанг, атынг чыгъар, аман болсанг, джанынг чыгъар.
- Бет бетге къараса, бет да джерге къарар.
- Билмейме деген – бир сёз
- Джукъу тёшек сайламайды.
- Мухардан ач ычхынмаз.
- Тилчиден кери бол.
- Къонакъ болсанг, ийнакъ бол.
- Айранны сюйген, ийнек тутар.
- Сангырау къулакъ эл бузар.
- Джуртун къоругъан озар.
- Ариу сёз джыланны орнундан чыгъарыр.
- Ариу – кёзге, акъыл – джюрекге.
- Эри аманны, къатыны – аман.
- Арпа, будай – ащды, алтын, кюмюш а – ташды.
- Тешигини къатында, чычхан да батыр болур.
- Мени джылытмагъан кюн, меннге тиймесин!
Все дома?
Ответы
Читают тему (гостей: 1)