- Огъурлуну сёзю – суу, огъурсузну сёзю – уу.
- Къууут – джелге, берне – бошха.
- Иги сеники эсе да, сюйген кесимикин этеме.
- От кюйдюрген, сау болса да, тот кюйдюрген, сау болмаз.
- Босагъа таш юйге кирмей эди, тыбыр таш эшикге чыкъмай эди.
- Ёксюзню къалачы уллу кёрюнюр.
- Мен да «сен», дейме, сен да «кесим», дейсе.
- Суу да къайтады чыкъгъан джерине.
- Хар зат кесини орнуна иги.
- Ана кёлю – балада, бала кёлю – талада.
- Бёрю да ач къалмасын, эчки да ашалмасын.
- Эки итни арасына сюек атма, эки адамны арасында сёз чыгъарма.
- Акъыллы айтыр эди, акъылсыз къоймайды.
- Чакъырылмагъан къонакъ къачан кетерин сормаз.
- Таукел адам тау тешер.
- Тынгылагъан тынгы бузар.
- Джюрек кёзден алгъа кёрюр.
- Айтхан сёзюне табылгъан.
- Айтхан – тынч, этген – къыйын.
- Къазанны башы ачыкъ болса, итге уят керекди.
- Эр сокъур болсун, къатын тилсиз болсун.
- Джан саулукъ бермей, сан саулукъ бермезсе.
- Уллу атлама – абынырса, уллу къабма – къарылырса.
- Бетинги сатма, малынгы сат.
- Айтханы чапыракъдан ётмеген.
- Aдам боллукъ, сыфатындан белгили.
- Эркиши – от, тиширыу – суу.
- Джюрекге ариу – кёзге да ариу.
- Сютню башын джалагъан къутулур, тюбюн ичген тутулур.
- Босагъагъа джууукъ орун болса, ашыгъыб тёрге озма.
- Тойну къарнашы – харс, джырны къарнашы – эжиу.
- Ётюрюкню башын керти кесер.
- Уллу суу бла уллу ауруудан башынгы сакъла.
- Ашыкъгъан cуу, тенгизге джетмез.
- Мухарны эси – ашарыкъда.
- Чакъырылмагъан къонакъ – орунсуз.
- Сууда джау джокъ, кёб сёзде магъана джокъ.
- Ишленмеген джаш – джюгенсиз ат, ишленмеген къыз – тузсуз хант.
- Гугук кесини атын айтыб къычыргъанча, мен, мен деб нек тураса?
- Мухар, кеси тойса да, кёзю тоймаз.
- Эрине къаргъыш этген къатын, эрнин къабар.
- Чабакъгъа акъыл, табагъа тюшсе келеди.
- Ёксюзню тилеги къабыл болур.
- Юй ишлеген балта эшикде къалыр.
- Кёбню кёрген – кёб билир.
- Ургъан суудан башынгы сакъла.
- Эшекни не къадар тюйсенг да, ат болмаз.
- Этим кетсе да, сюегим къалыр.
- Чабакъ башындан чирийди.
- Къыйынлы джети элге оноу этер.
Профиль
|
|
|||