- Ачлыкъ отха секиртир.
- Атынг аманнга чыкъгъандан эсе, джанынг тамагъынгдан чыкъсын.
- Кечеси – аяз, кюню – къыш, джарлы къаргъагъа бир аш тюш!
- Ауузу бла къуш тута айланады.
- Тамбла алтындан бюгюн багъыр ашхы.
- Эл ауузу – элия.
- Келинни – келгинчи, бёркню кийгинчи кёр.
- Хатерли къул болур.
- Аманнга игилик этсенг, юйюнге сау бармазса.
- Хантына кёре тузу, юйюне кёре къызы.
- Ишин билген, аны сыйын чыгъарады.
- Къулакъдан эсе, кёзге ышан.
- Булут кёкге джарашыу, уят бетге джарашыу.
- Таякъ этден ётер, тил сюекден ётер.
- Огъурлуну сёзю – суу, огъурсузну сёзю – уу.
- Тели турса – той бузар.
- Байлыкъ болгъан джерде, тынчлыкъ джокъду.
- Тили узунну, намысы – къысха.
- Сёз сёзню айтдырыр.
- Термилгенинги табмазса, кюлгенинге тюберсе.
- Кийимни бичсенг, кенг бич, тар этген къыйын тюлдю.
- Адамны артындан къара сабан сюрме.
- Кесинге джетмегенни, кёб сёлешме.
- Адамгъа аман кюн соруб келмейди.
- Бир абыннган – минг сюрюнюр.
- Ач уят къоймаз.
- Ашхы болсанг, атынг чыгъар, аман болсанг, джанынг чыгъар.
- Иги – алгъыш этер, аман – къаргъыш этер.
- Дуния аламаты сен эсенг да, игиме деб айтма.
- Чабар ат – джетген къыз.
- Ауругъаннга – кийик саулукъ, джетген къызгъа – чилле джаулукъ.
- Аманны тукъумуна къарама, игини тукъумун сорма.
- Ётген ёмюр – акъгъан суу.
- Айырылгъанланы айю ашар, бёлюннгенлени бёрю ашар.
- Кеси юйюмде мен да ханма.
- Бет бетге къараса, бет да джерге къарар.
- Сормай – алма, чакъырылмай – барма.
- Ёзденликни кёбю ётюрюк.
- Адам туугъан джеринде, ит тойгъан джеринде.
- Ашда уялгъан – мухар, ишде уялгъан – хомух.
- Акъыл сабырлыкъ берир.
- Къонагъынгы артмагъын алма да, алгъышын ал.
- Ач къалгъандан, кеч къалгъан къолай.
- Билмейме деген – бир сёз
- Эте билген, этген этеди, эте билмеген, юретген этеди!
- Джумушакъ сёз къаты таякъны сындырыр.
- Намыс болмагъан джерде, насыб болмаз.
- Ат да турмайды бир териде.
- Алтыннга тот къонмаз.
- Тюзню ётмеги тюзде къалса да, тас болмаз.
Профиль
|
|
|
|||