- Аманнга алтын чыдамаз.
- Кёзюнде тереги болгъан, чёбю болгъаннга кюле эди.
- Эри аманны, къатыны – аман.
- Мухар, кеси тойса да, кёзю тоймаз.
- Къумурсхала джыйылсала, пилни да джыгъадыла.
- Эски джаугъа ышанма.
- Акъыл бла адеб эгизледиле.
- Ач отунчуну ачыуу – бурнунда.
- Игилик игилик бла сингдирилиучю затды.
- Ойнай билмеген, оюн бузар.
- Джыланны къуйругъундан басарынг келсе, аны башы болгъанын унутма.
- Джыгъылгъанны сырты джерден тоймаз.
- Къартны сыйын кёрмеген, къартлыгъында сыйлы болмаз.
- Тили узунну, намысы – къысха.
- Кютгени беш эчки, сызгъыргъаны уа, джерни джарады.
- Кечеси – аяз, кюню – къыш, джарлы къаргъагъа бир аш тюш!
- Аманнга игилик этсенг, юйюнге сау бармазса.
- Тойну къарнашы – харс, джырны къарнашы – эжиу.
- Кирсизни – саны таза, халалны – къаны таза.
- Ашхы сёз таш тешер.
- Уллу суу бла уллу ауруудан башынгы сакъла.
- Окъ къызбайны джокълайды.
- Керилген да, ургъан кибикди.
- Джогъун бар этген, барын бал этген.
- Джангызны оту джарыкъ джанмаз!
- Билмегенинги, билгеннге сор.
- Джангыз торгъай джырламаз.
- Келлик заман – къартлыкъ келтирир, кетген заман – джашлыкъ ёлтюрюр.
- Адамны джюреги нени кёрюрге сюйсе, кёзю да аны кёрюрге ёч болады.
- Кюн – узун, ёмюр – къысха.
- Ёлюр джаннга, ёкюл джокъ.
- Сууда джау джокъ, кёб сёзде магъана джокъ.
- Айранны сюйген, ийнек тутар.
- Джангыз терек къынгыр ёсер.
- Эринчекни эр алмаз, эр алса да, кёл салмаз, кёл салса да, кёб бармаз!
- Тёрени джагъы джокъ.
- Къатын къылыкъсыз, эр тынчлыкъсыз.
- Аллахха ийнаннган кишини, Аллах онгдурур ишин.
- Адам сёзге тынгыла, акъыл сёзню ангыла.
- Таукел адам тау тешер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Орундукъ тюбюнде атылсам да, орта джиликме, де да айлан.
- Айтхан сёзюне табылгъан.
- Садакъачыны джаны – къапчыгъында.
- Адеби болмагъан къыз – тузсуз хант.
- Ёпкелегенни ашы татлы болады.
- Сыфатында болмагъаны, суратында болмаз.
- Асхат ашлыкъ сата, юйдегиси ачдан къата.
- Нафысынгы айтханын этме, намысынгы айтханын эт.
- Адебсиз адам – джюгенсиз ат.
РАДУЕТ ГЛАЗ ()..., все мы сталкиваемся с этим... )
Ответы
|
|||
|
|
|
|
Ааа. Спасибо!
Попробую так. |
||||
|
|
|
|||
Читают тему (гостей: 1)