- Къарнынг бла ёч алма.
- Кёзю сокъурдан – къоркъма, кёлю сокъурдан – къоркъ.
- Ётюрюк хапар аякъ тюбю бла джюрюйдю.
- Кёл – къызбай, къол – батыр.
- Ургъан суудан башынгы сакъла.
- Джарлыны эшигин махтагъан джабар.
- Джашынгы кесинг юретмесенг, джашау юретир.
- Ана – юйню кюн джарыгъы.
- Аман хансны – урлугъу кёб.
- Биреуню тёрюнден, кесинги эшик артынг игиди.
- Сабий кёргенин унутмаз.
- Къулакъдан эсе, кёзге ышан.
- Элге къуллукъ этмеген, элге ие болмаз.
- Къыз тиширыу кеси юйюнде да къонакъды.
- Ашхы тенг джолгъа салыр, аман тенг джолдан тайдырыр.
- Хар ишни да аллы къыйынды.
- Ёгюзню мюйюзлери ауурлукъ этмейдиле.
- Кимни – тили, тиши онглу, кимни – къолу, иши онглу.
- Джылкъыдан – ат чыгъар, тукъумдан – джаш чыгъар.
- Суугъа – таянма, джаугъа – ийнанма.
- Джыланны къуйругъундан басарынг келсе, аны башы болгъанын унутма.
- Киштикге къанат битсе, чыпчыкъ къалмаз эди.
- Экеулен сёлеше тура эселе, орталарына барыб кирме.
- Уруну арты – къуру.
- Чомарт джарлы болмаз.
- Байны къызы баймакъ болса да, юйде къалмаз!
- Уллу къашыкъ эрин джыртар.
- Аякъларынгы джууургъанынга кёре узат.
- Эте билген, этген этеди, эте билмеген, юретген этеди!
- Мал ёлсе, сюек къалыр, адам ёлсе, иши къалыр.
- Ата Джуртча джер болмаз, туугъан элча эл болмаз.
- Джумушакъ сёз къаты таякъны сындырыр.
- Ашхы сёз таш тешер.
- Рысхысына кёре, джаш ёсер, къышлыгъына кёре, мал ёсер.
- Уллу сёзде уят джокъ.
- Кийимни бичсенг, кенг бич, тар этген къыйын тюлдю.
- Ёнгкюч къууана барыр, джылай келир.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къобан да къуру да къобханлай турмайды, адам да къуру да патчахлай турмайды.
- Къар – келтирди, суу – элтди.
- Чабакъ башындан чирийди.
- Алма терегинден кери кетмез.
- Махтаннган къыз, тойда джукълар.
- Къартны бурнун сюрт да, оноугъа тут.
- Ёлген эшек бёрюден къоркъмайды.
- Чакъырылмагъан джерге барма, чакъырылгъан джерден къалма.
- Чыкълы кюнде чыкъмагъан, чыкъса къуру кирмеген.
- Джолунга кёре – джюрюшюнг, джагъанга кёре – юлюшюнг.
- Иши джокъну, сыйы джокъ.
- Тулпарлыкъ, билекден тюл – джюрекден.
