- Бюгюн дуния кибик, тамбла ахыратды.
- Ашхы – джыяр, аман – джояр.
- Намысы джокъну – дуниясы джокъ.
- Ариу сёзде ауруу джокъ.
- Бёрю да ач къалмасын, эчки да ашалмасын.
- Гитче джилтин уллу элни джандырыр.
- Тёрени джагъы джокъ.
- Тойну къарнашы – харс, джырны къарнашы – эжиу.
- Халкъны джырын джырласанг, халкъ санга эжиу этер.
- Огъурлуну сёзю – суу, огъурсузну сёзю – уу.
- Джаз бир кюнню джатсанг, къыш талай кюнню абынырса.
- Адам туугъан джеринде, ит тойгъан джеринде.
- Битмегеннге сакъал – танг.
- Къарын къуру болса, джюрек уру болур.
- Мени джылытмагъан кюн, меннге тиймесин!
- От этилмеген джерден тютюн чыкъмайды.
- Къыз чыгъаргъан – къызыл къымжа.
- Алим болгъандан эсе, адам болгъан къыйынды.
- Ауузу аманнга «иги», деме.
- Гугук кесини атын айтыб къычыргъанча, мен, мен деб нек тураса?
- Иги джашны ышаны – аз сёлешиб, кёб тынгылар.
- Эркиши – от, тиширыу – суу.
- Джашны джигитлиги сорулур, къызны джигерлиги сорулур.
- Тойгъандан сора, ашны сёкме.
- Башсыз урчукъ тюзюне айланмаз.
- Магъанасыз сёз – тауушсуз сыбызгъы.
- Чомарт бергенин айтмаз.
- Къарт айтханны этмеген, къартаймаз.
- Арбаз къынгырды да, ийнек сауалмайма.
- Кёпюр салгъан кеси ётер, уру къазгъан кеси кетер.
- Этни да ашады, бетни да ашады.
- Бир онгсуз адам адет чыгъарды, деб эштирик тюлсе.
- Билмейме деген – бир сёз
- Эр абынмай, эл танымаз.
- Эте билген, этген этеди, эте билмеген, юретген этеди!
- Аман адам элни бир-бирине джау этер.
- Сабийни джумушха джибер да, ызындан бар.
- Сангырау къулакъ эл бузар.
- Аман адам этегингден тутса, кес да къач.
- Тенгинг джокъ эсе – изле, бар эсе – сакъла!
- Атлыны ашхысы, ат тизгининден билинир
- Эл ауузу – элек, анга ийнаннган – халек.
- Къазанны башы ачыкъ болса, итге уят керекди.
- Тенгни тенглиги джашай барсанг билинир.
- Акъыллы – эл иеси, тели – эл баласы.
- Аманнга алтын чыдамаз.
- Ач отунчуну ачыуу – бурнунда.
- Иги бла джюрюсенг, джетерсе муратынга, аман бла джюрюсенг, къалырса уятха.
- Бал – татлы, балдан да бала – татлы.
- Джашынгы кесинг юретмесенг, джашау юретир.
