- Тау башында, тау болмаз, джангыз терек, бау болмаз.
- Кийим тукъум сордурур.
- Байлыкъ адамны сокъур этер.
- Тюкюрюк баш джармаз, налат кёз чыгъармаз!
- Ётюрюкден тюбю джокъ, кёлтюрюрге джиби джокъ.
- Ишлегенде эринме, ишде чолакъ кёрюнме.
- Азыгъы аз, алгъа къабар, аты аман, алгъа чабар.
- Ёлген аслан – сау чычхан.
- Бозанг болмагъан джерге, къалагъынгы сукъма.
- Ишленмеклик адамлыкъды.
- Ашатыргъа иш – ашхы, ишлетирге аш – ашхы.
- Болджал ишни бёрю ашар.
- Ушамагъан – джукъмаз.
- Чакъырылмагъан къонакъ тёрге атламаз.
- Ач бёрюге мекям джокъ.
- Нёгер болсанг, тенг бол, тенг болмасанг, кенг бол.
- Эки элинги тыйсанг, джети элде махталырса.
- Таякъ этден ётер, тил сюекден ётер.
- Айырылмаз джууугъунга, унутмаз сёзню айтма.
- Дуния мал дунияда къалады.
- Ана къолу ачытмаз.
- Айтхан – тынч, этген – къыйын.
- Эшекге миннген – биринчи айыб, андан джыгъылгъан – экинчи айыб.
- Къонагъынгы артмагъын алма да, алгъышын ал.
- Тенгинг джокъ эсе – изле, бар эсе – сакъла!
- Кёб джашагъан – кёб билир.
- Ариу сёз – къылычдан джити.
- Ашхы адам – халкъ байлыгъы, ашхы джер – джашау байлыгъы.
- Къайгъыны сюйген, къайгъы табар.
- Тулпарлыкъ, билекден тюл – джюрекден.
- Къарт бла баш аша, джаш бла аякъ аша.
- Керти сёзге тёре джокъ.
- Джыгъылгъанны сырты джерден тоймаз.
- Иши джокъну, сыйы джокъ.
- Бети бедерден, намыс сакълама.
- Къолунгдан къуймакъ ашатсанг да, атаны борчундан къутулмазса.
- Хазыр ашха – терен къашыкъ.
- Суу ичген шауданынга тюкюрме.
- Къошда джокъгъа – юлюш джокъ.
- Бойнуму джети джерден кессенг да, мен ол ишни этеллик тюлме.
- Акъыл неден да кючлюдю.
- От этилмеген джерден тютюн чыкъмайды.
- Ачыкъ джюрекге джол – ачыкъ.
- Кюн – узун, ёмюр – къысха.
- Аман эсирсе, юйюн ояр.
- Къазанда болса, чолпугъа чыгъар.
- Ёксюзню тилеги къабыл болур.
- Эркиши – от, тиширыу – суу.
- Ата – баланы уясы.
- Джарашыу сюйген – джалынчакъ.
