- Тойгъанлыкъ къойгъа джарашады.
- Джылар джаш, атасыны сакъалы бла ойнар.
- Ёлген аслан – сау чычхан.
- Айныгъанлы алты кюн, тогъайгъанлы тогъуз кюн.
- Аман къатын алгъан, арыр, иги къатын алгъан джарыр.
- Бал чибинни ургъаны – ачы, балы – татлы.
- Дуния малгъа сатылма, кесингден телиге къатылма.
- Сангырау къулакъ эл бузар.
- Ашатыргъа иш – ашхы, ишлетирге аш – ашхы.
- Айтылгъан буйрукъ, сёгюлмез
- Ёгюзню мюйюзюнден тутадыла, адамны сёзюнден тутадыла.
- Эски джаугъа ышанма.
- Къарт бла баш аша, джаш бла аякъ аша.
- Алтыннга тот къонмаз.
- Хаухну атма, ёнгкючню сатма.
- Джюрек кёзден алгъа кёрюр.
- Уллу къазанда бишген эт, чий къалмаз.
- Къайтырыкъ эшигинги, къаты уруб чыкъма.
- Кюл тюбюндеги от кёрюнмейди.
- Айран тёгюлсе, джугъусу къалыр.
- Ётюрюкчюню шагъаты – къатында.
- Рысхы – насыбха къор.
- Ёлюк кебинсиз къалмаз.
- Ат да турмайды бир териде.
- Ашын ашагъанынгы, башын да сыйла.
- Къуллукъчума, деб махтанма, къуллукъ – хаух джамчыды!
- Тамырсыз терекге таянма – джыгъылырса.
- Тил бла келеди джыр да.
- Бал ашаргъа сюе эсенг, чибин ургъаннга тёз.
- Чакъырылмагъан къонакъ – орунсуз.
- Къарт айтханны этмеген, къартаймаз.
- Ёмюрлюк шохлукъну джел элтмез.
- Къартха ушагъан джаш – акъыллы, джашха ушагъан къарт – тели.
- Ётюрюкню къуйругъу – бир тутум.
- Акъыллы башны – тили къысха.
- Билим къая тешер.
- Юре билмеген ит, къонакъ келтирир.
- Тёзген – тёш ашар!
- Чомарт бергенин айтмаз.
- Уллу атлама – абынырса, уллу къабма – къарылырса.
- Рысхы джалгъанды: келген да этер, кетген да этер.
- Аш берме да, къаш бер.
- Тыш элде солтан болгъандан эсе, кесинги элде олтан болгъан игиди!
- Хазыр ашха – терен къашыкъ.
- Бет бетге къараса, бет да джерге къарар.
- Хата – гитчеден.
- Ёлген ийнек сютлю болур.
- Сютню башын джалагъан къутулур, тюбюн ичген тутулур.
- Накъырданы арты керти болур.
- Булут кёкге джарашыу, уят бетге джарашыу.
Поздравления в стихах
29.07.2005 16:14:18
:smt006
|
|
|
|
04.08.2005 20:10:19
Теперь, чтобы поздравить кого-то из друзей буду давать ссылку сюда и привееееееееееет. :smt005 :smt005
|
|
|
|
04.08.2005 21:42:18
|
|||
|
|
Читают тему (гостей: 1)