- Аман эсирсе, юйюн ояр.
- Тойгъандан сора, ашны сёкме.
- Хаухну атма, ёнгкючню сатма.
- Ариу сёз – къылычдан джити.
- Джырчы джырчыгъа – къарнаш.
- Джогъун бар этген, барын бал этген.
- Джахил болса анасы, не билликди баласы?
- Иги адамны бир сёзю эки болмаз.
- Кёз – сюйген джерде, къол – ауругъан джерде.
- Атынг аманнга чыкъгъандан эсе, джанынг тамагъынгдан чыкъсын.
- Сибиртки да сыйлы болду, кюрек да кюнлю болду.
- Бал ашаргъа сюе эсенг, чибин ургъаннга тёз.
- Къартха ушагъан джаш – акъыллы, джашха ушагъан къарт – тели.
- Къызын тута билмеген, тул этер, джашын тута билмеген, къул этер.
- Ашда уялгъан – мухар, ишде уялгъан – хомух.
- Суугъа – таянма, джаугъа – ийнанма.
- Ашлыкъ – бюртюкден, джюн – тюкден.
- Чоюнну башы ачыкъ болса, итге уят керекди.
- Ашда – бёрю, ишде – ёлю.
- Джырчы ёлсе, джыры къалыр.
- Ышармагъан – кюлмез, кюлмеген – къууанчны билмез.
- Экеу тутушса, биреу джыгъылыр.
- Джарлыны тону джаз битер.
- Тилсиз миллет джокъ болур.
- Баш болса, бёрк табылыр.
- Эри аманны, къатыны – аман.
- Кюн кёрмеген, кюн кёрсе, кюндюз чыракъ джандырыр.
- Шекер бла туз – бир болмаз, ушамагъан – юй болмаз.
- Кёб джат да, бек чаб.
- Къыз чыгъаргъан – къызыл къымжа.
- Къызны минг тилер, бир алыр.
- Кёзю сокъурдан – къоркъма, кёлю сокъурдан – къоркъ.
- Адам къаллай бир ишленмесе, аллай бир кесин уллу кёреди.
- Ётюрюк хапар аякъ тюбю бла джюрюйдю.
- Кийимни бичсенг, кенг бич, тар этген къыйын тюлдю.
- Кенгеш болса, уруш болмаз.
- Сангырау къулакъ эл бузар.
- Ашлыкъны арба юйге келтирир, чана базаргъа элтир.
- Ашхы сёз таш тешер.
- Экеулен сёлеше тура эселе, орталарына барыб кирме.
- Къумурсхала джыйылсала, пилни да джыгъадыла.
- Ат да турмайды бир териде.
- Ашхы адам – халкъ байлыгъы, ашхы джер – джашау байлыгъы.
- Тил – миллетни джаны.
- Джангыз терек къынгыр ёсер.
- Зарда марда джокъ.
- Эки элинги тыйсанг, джети элде махталырса.
- Билимсиз иш бармаз.
- Къызгъанчдан ычхыныр, мухардан ычхынмаз.
- Хар адамгъа кеси миннген тау кибик.
Поздравления в стихах
29.07.2005 16:14:18
:smt006
|
|
|
|
04.08.2005 20:10:19
Теперь, чтобы поздравить кого-то из друзей буду давать ссылку сюда и привееееееееееет. :smt005 :smt005
|
|
|
|
04.08.2005 21:42:18
|
|||
|
|
Читают тему (гостей: 1)