- Джарлы джети элни сёзюн этер.
- Айырылмаз джууугъунга, унутмаз сёзню айтма.
- Ач отунчуну ачыуу – бурнунда.
- Байма, деб да, къууанма, джарлыма, деб да, джылама.
- Сабий болмагъан джерде, мёлек болмаз.
- Итли къонакъ джарашмаз.
- Илму – джашауну джолу.
- Ойнаб айтсанг да, эслеб айт.
- Джангыз терек къынгыр ёсер.
- Мен да «сен», дейме, сен да «кесим», дейсе.
- Аман эсирсе, юйюн ояр.
- Ичимден чыкъды хата, къайры барайым сата?
- Эски джаугъа ышанма.
- Ана къолу ачытмаз.
- Тилсиз миллет джокъ болур.
- Акъыл неден да кючлюдю.
- Билим насыб берир, билим джолну керир.
- Элде адам къалмаса, ит тахтагъа минер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ариу – кёзге, акъыл – джюрекге.
- Ашыкъгъанны этеги бутуна чырмалыр.
- Акъыл сабырлыкъ берир.
- Къарнынг бла ёч алма.
- Айранны сюйген, ийнек тутар.
- Сёз садакъдан кючлюдю.
- Хунаны тюбюн къазсанг, юсюнге ауар.
- Адамны адамлыгъы къыйынлыкъда айгъакъланады.
- Сууда джау джокъ, кёб сёзде магъана джокъ.
- Эм ашхы къайын ана мамукъ бла башынгы тешер.
- Къобан да къуру да къобханлай турмайды, адам да къуру да патчахлай турмайды.
- Мухарны эси – ашарыкъда.
- Кёл – къызбай, къол – батыр.
- Джашда акъыл джокъ, къартда къарыу джокъ.
- Тенгинг джокъ эсе – изле, бар эсе – сакъла!
- Къаллай салам берсенг, аллай джууаб алырса.
- Чыбыкълыкъда бюгюлмеген, къазыкълыкъда бюгюлмей эди.
- Аллахдан тилесенг, кёб тиле.
- Адеб этмеген, адеб кёрмез.
- Ёлюр джаннга, ёкюл джокъ.
- Киштикге къанат битсе, чыпчыкъ къалмаз эди.
- Мени джылытмагъан кюн, меннге тиймесин!
- Аман адам элни бир-бирине джау этер.
- Атадан ёксюз – бир ёксюз, анадан ёксюз – эки ёксюз.
- Игилик игилик бла сингдирилиучю затды.
- Джарлыны тону джаз битер.
- Джиби бир къат джетмей эди да, эки къат тарта эди.
- Намысы болмагъанны, сыйы болмаз.
- Ариу сёз джыланны орнундан чыгъарыр.
- Суу кетер, таш къалыр.
- Айныгъанлы алты кюн, тогъайгъанлы тогъуз кюн.
Поздравления в стихах
29.07.2005 16:14:18
:smt006
|
|
|
|
04.08.2005 20:10:19
Теперь, чтобы поздравить кого-то из друзей буду давать ссылку сюда и привееееееееееет. :smt005 :smt005
|
|
|
|
04.08.2005 21:42:18
|
|||
|
|
Читают тему (гостей: 1)