- Бети къызарыучу адамны, джюреги харам болмаз.
- Эшекге миннген – биринчи айыб, андан джыгъылгъан – экинчи айыб.
- Къарнынг тойгъунчу аша да, белинг талгъынчы ишле.
- Мухарны эси – ашарыкъда.
- Борчунг бар эсе, хурджунунга ойлаб узал.
- Къонакъ хазыр болгъанлыкъгъа, къонакъбай хазыр тюлдю.
- Хунаны тюбюн къазсанг, юсюнге ауар.
- Кийим тукъум сордурур.
- Акъыл неден да кючлюдю.
- Уллу сёзде уят джокъ.
- Ёлген ийнек сютлю болур.
- Кесине гебен этелмеген, биреуге черен эте эди.
- Сангырау къулакъ эл бузар.
- Ишленмеклик адамлыкъды.
- Айныгъанлы алты кюн, тогъайгъанлы тогъуз кюн.
- Дууулдаса – бал чибин, къонса – къара чибин.
- Иги адамны бир сёзю эки болмаз.
- Кёзю сокъурдан – къоркъма, кёлю сокъурдан – къоркъ.
- Кийимни бичсенг, кенг бич, тар этген къыйын тюлдю.
- Аманнга да, игиге да оноусуз къатышма.
- Эр абынмай, эл танымаз.
- Босагъагъа джууукъ орун болса, ашыгъыб тёрге озма.
- Айранны сюйген, ийнек тутар.
- Мен да «сен», дейме, сен да «кесим», дейсе.
- Адам сёзюнден белгили.
- Тюзлюк шохлукъну бегитир.
- Ач бёрюге мекям джокъ.
- Къарнынг къанлынга кийирир.
- Эл ауузу – элек, анга ийнаннган – халек.
- Чабакъгъа акъыл, табагъа тюшсе келеди.
- Къайгъы тюбю – тенгиз.
- Къартха ушагъан джаш – акъыллы, джашха ушагъан къарт – тели.
- Арпа, будай – ащды, алтын, кюмюш а – ташды.
- Аджал соруб келмез, келсе, къайтыб кетмез.
- Иши джокъну, сыйы джокъ.
- Чомарт бергенин айтмаз.
- Адам къаллай бир ишленмесе, аллай бир кесин уллу кёреди.
- Чомарт къонакъ юй иесин сыйлар.
- Бетинги сатма, малынгы сат.
- Ёзденликни джайгъан – джокълукъ.
- Къошда джокъгъа – юлюш джокъ.
- Илму – джашауну джолу.
- Халкъны джырын джырласанг, халкъ санга эжиу этер.
- Дуния аламаты сен эсенг да, игиме деб айтма.
- Aдам боллукъ, сыфатындан белгили.
- Ашарыкъда сайлагъаннга – чий гырджын.
- Эки къатын алгъанны къулагъы тынгнгаймаз.
- Аллахха ийнаннган кишини, Аллах онгдурур ишин.
- Нёгерсизни джолу узун.
- Ашына кёре табагъы, балына кёре къалагъы.
Поздравления в стихах
29.07.2005 16:14:18
:smt006
|
|
|
|
04.08.2005 20:10:19
Теперь, чтобы поздравить кого-то из друзей буду давать ссылку сюда и привееееееееееет. :smt005 :smt005
|
|
|
|
04.08.2005 21:42:18
|
|||
|
|
Читают тему (гостей: 1)