- Джарлы эскисин джамаса, къууаныр.
- Айранын берсенг, челегин да къызгъанма.
- Алтыннга тот къонмаз.
- Джаханимни кёрмей, джандетге кёл салмазса.
- Накъырданы арты керти болур.
- Чакъырылмагъан джерге барма, чакъырылгъан джерден къалма.
- Джукъу тёшек сайламайды.
- «Ёгюз, джаргъа джууукъ барма, меннге джюк боллукъса», - дегенди эшек.
- Къонакъ аман болса, къонакъбай джунчур
- Ётюрюкден тюбю джокъ, кёлтюрюрге джиби джокъ.
- Айтханы чапыракъдан ётмеген.
- Къызгъанчдан ычхыныр, мухардан ычхынмаз.
- Къоркъакъны кёзю экили кёрюр.
- Ата – билек, ана – джюрек!
- Хунаны тюбюн къазсанг, юсюнге ауар.
- Алим болгъандан эсе, адам болгъан къыйынды.
- Аджашхан тёгерек айланыр.
- Къуру гыбыт бек дыгъырдар.
- Керилген да, ургъан кибикди.
- Татлы сёз – балдан татлы.
- Къарт айтханны этмеген, къартаймаз.
- Аманнга игилик этсенг, юйюнге сау бармазса.
- Артына баргъанны, къатына барма.
- Душманны тышы – акъ, ичи – къара.
- Халкъны юйю – туугъан джери.
- Аз айтсам, кёб ангылагъыз.
- Нарт сёз къарт болмаз.
- Ач бёрюге мекям джокъ.
- Насыблы элин сюер, насыбсыз кесин сюер.
- Юреннген ауруу къалмаз.
- Бал ашаргъа сюе эсенг, чибин ургъаннга тёз.
- Татлы тилде – сёз ариу, чемер къолда – иш ариу.
- Джарлы джети элни сёзюн этер.
- Къыз тиширыу кеси юйюнде да къонакъды.
- Ашхы болсанг, атынг чыгъар, аман болсанг, джанынг чыгъар.
- Зар адамны насыбы болмаз.
- Кёзюнде тереги болгъан, чёбю болгъаннга кюле эди.
- Тели турса – той бузар.
- Чарсда алчыны эл кёреди.
- Тенгинг джокъ эсе – изле, бар эсе – сакъла!
- Башда акъыл болмаса, эки аякъгъа кюч джетер.
- Уллу къазанда бишген эт, чий къалмаз.
- Сёз садакъдан кючлюдю.
- Термилгенинги табмазса, кюлгенинге тюберсе.
- Дууулдаса – бал чибин, къонса – къара чибин.
- Этим кетсе да, сюегим къалыр.
- Аман хансны – урлугъу кёб.
- Джаз бир кюнню джатсанг, къыш талай кюнню абынырса.
- Келлик заман – къартлыкъ келтирир, кетген заман – джашлыкъ ёлтюрюр.
- Кюлме джашха – келир башха.
Поздравления в стихах
29.07.2005 16:14:18
:smt006
|
|
|
|
04.08.2005 20:10:19
Теперь, чтобы поздравить кого-то из друзей буду давать ссылку сюда и привееееееееееет. :smt005 :smt005
|
|
|
|
04.08.2005 21:42:18
|
|||
|
|
Читают тему (гостей: 1)