- Тыш элде солтан болгъандан эсе, кесинги элде олтан болгъан игиди!
- Кёпюр салгъан кеси ётер, уру къазгъан кеси кетер.
- От кюйдюрген, сау болса да, тот кюйдюрген, сау болмаз.
- Адамны адамлыгъы къыйынлыкъда айгъакъланады.
- Мухар, кеси тойса да, кёзю тоймаз.
- Тас болгъан бычакъны сабы – алтын.
- Зар адамны насыбы болмаз.
- Джиби бир къат джетмей эди да, эки къат тарта эди.
- Къобан да къуру да къобханлай турмайды, адам да къуру да патчахлай турмайды.
- Мал ёлсе, сюек къалыр, адам ёлсе, иши къалыр.
- Кёз – сюйген джерде, къол – ауругъан джерде.
- Адеб джокъда, намыс джокъ.
- Бюгюн дуния кибик, тамбла ахыратды.
- Тилде сюек болмаса да, сюек сындырыр.
- Сёз къанатсыз учар.
- Джырчы ёлсе, джыры къалыр.
- Таукелге нюр джауар.
- Рысхы – сют юсюнде кёмюк кибикди.
- Хатерли къул болур.
- Келинин тута билмеген, къул этер, къызын тута билмеген, тул этер.
- Кёл – къызбай, къол – батыр.
- Ишленмеклик адамлыкъды.
- Иши джокъну, сыйы джокъ.
- Аджаллыгъа окъсуз шкок атылыр.
- Ашын ашагъанынгы, башын да сыйла.
- Билмезни кёзю кёрмез, этмезни къулагъы эшитмез.
- Ишлемеген – тишлемез.
- Ёлген аслан – сау чычхан.
- Къая джолда джортма, ачыкъ сёзден къоркъма.
- Экиндини кеч къылсанг, чабыб джетер ашхам.
- Чакъырылмагъан джерге барма, чакъырылгъан джерден къалма.
- Ашда уялгъан – мухар, ишде уялгъан – хомух.
- Бек ашыкъгъан меннге джетсин, дегенди аракъы.
- Аман къатын алгъан, арыр, иги къатын алгъан джарыр.
- Кёбге таш атма.
- Джылкъыдан – ат чыгъар, тукъумдан – джаш чыгъар.
- Джети тилни билген джети кишиди.
- Джыланны къуйругъундан басарынг келсе, аны башы болгъанын унутма.
- Эм ашхы къайын ана мамукъ бла башынгы тешер.
- Аллахха ийнаннган кишини, Аллах онгдурур ишин.
- Акъыл бла адеб эгизледиле.
- Башы ишлегенни, ауузу да ишлер.
- Ана кёлю – балада, бала кёлю – талада.
- Джаным-тиним – окъуу, билим.
- Ёгюзню мюйюзлери ауурлукъ этмейдиле.
- Къазанны башы ачыкъ болса, итге уят керекди.
- Алим болгъандан эсе, адам болгъан къыйынды.
- Келгинчи, къонакъ уялыр, келгенден сора, къонакъбай уялыр.
- Аллахдан тилесенг, кёб тиле.
- Ёлмесенг да, къарт дамы болмазса?
Поздравления в стихах
29.07.2005 16:14:18
:smt006
|
|
|
|
04.08.2005 20:10:19
Теперь, чтобы поздравить кого-то из друзей буду давать ссылку сюда и привееееееееееет. :smt005 :smt005
|
|
|
|
04.08.2005 21:42:18
|
|||
|
|
Читают тему (гостей: 1)