Кимни – тили, тиши онглу, кимни – къолу, иши онглу.
Эл элде бирер малынг болгъандан эсе, бирер тенгинг болсун.
Сёз – кюмюш, джыр – алтын.
Тели турса – той бузар.
Гыдай эчки суугъа къараб, мюйюзле кёрмесе, джашма алкъын, дегенди.
Эркишини аманы тиширыуну джылатыр.
Арыгъан къош чамчы болур.
Къууут – джелге, берне – бошха.
Ишлегенден, къарагъан уста.
От этилмеген джерден тютюн чыкъмайды.
Джетген къыз джерли эшекни танымаз.
Адам сёзге тынгыла, акъыл сёзню ангыла.
Экеу тутушса, биреу джыгъылыр.
Ёзденликни джайгъан – джокълукъ.
Ашлыкъ – бюртюкден, джюн – тюкден.
Адамны аты башхача, акъылы да башхады.
Хар ишни да аллы къыйынды.
Адамгъа аман кюн соруб келмейди.
Алтыннга тот къонмаз.
Аз сёлеш, кёб ишле.
Нарт сёз – тилни бети.
Билими азны – ауузунда кирит.
Къазанда болса, чолпугъа чыгъар.
Телиге акъыл салгъандан эсе, ёлгеннге джан салырса.
Сабий болмагъан джерде, мёлек болмаз.
Тойну къарнашы – харс, джырны къарнашы – эжиу.
Чоюнну башы ачыкъ болса, итге уят керекди.
Ёлген эшек бёрюден къоркъмайды.
Азыкълы ат арымаз, къатыны аман джарымаз.
Ишлегенде эринме, ишде чолакъ кёрюнме.
Ат да турмайды бир териде.
Эл тойса, тоймагъан, эл къойса, къоймагъан.
Ётюрюк хапар аякъ тюбю бла джюрюйдю.
Бетинги сатма, малынгы сат.
Биреуге кёлтюрген таягъынг, кесинги башынга урур.
Таула не мийик болсала да, аууш табылыр.
Чалманны аллы къалай башланса, арты да алай барады.
Адеби болмагъан къыз – тузсуз хант.
Сормай – алма, чакъырылмай – барма.
Аманны тукъумуна къарама, игини тукъумун сорма.
Таукел адам тау тешер.
Намысы джокъну – дуниясы джокъ.
Джылыгъа джылан илешир.
Кёб джашагъан – кёб билир.
Ачны эсинде – аш.
Къолу уллу – асыу, аягъы уллу – джарсыу.
Ата Джуртча джер болмаз, туугъан элча эл болмаз.
Дуния малгъа сатылма, кесингден телиге къатылма.
Кёб джат да, бек чаб.
Тойгъан джерге джети къайт.
