Айранны сюйген, ийнек тутар.
Къоркъакъны кёзю экили кёрюр.
Элде адам къалмаса, ит тахтагъа минер.
Уллу сёзде уят джокъ.
Чомартха Тейри да борчлуду.
Урама да – ёледи, сатама да – келеди.
Этни да ашады, бетни да ашады.
Огъурлуну сёзю – суу, огъурсузну сёзю – уу.
Къартны сыйын кёрмеген, къартлыгъында сыйлы болмаз.
Ашхы сёз таш тешер.
Билим – акъылны чырагъы.
Магъанасыз сёз – тауушсуз сыбызгъы.
Келлик заман – къартлыкъ келтирир, кетген заман – джашлыкъ ёлтюрюр.
Джеринден айырылгъан – джети джылар, джуртундан айырылгъан – ёлгюнчю джылар.
Кёбню кёрген – кёб билир.
Ойнай билмеген, уруб къачар.
Ёлюк кебинсиз къалмаз.
Чакъырылмагъан къонакъ къачан кетерин сормаз.
Аурууну келиую тынч, кетиую – къыйын.
Адеб джокъда, намыс джокъ.
Джан саулукъ бермей, сан саулукъ бермезсе.
Башынга джетмегенни сорма.
Кюн кёрмеген, кюн кёрсе, кюндюз чыракъ джандырыр.
Тас болгъан бычакъны сабы – алтын.
Хар адамгъа кеси миннген тау кибик.
Джолда аягъынга сакъ бол, ушакъда тилинге сакъ бол.
Тил бла келеди джыр да.
Къазанчы аман болса, къазаны къайнамаз.
Тюкюрюк баш джармаз, налат кёз чыгъармаз!
Аз айтсам, кёб ангылагъыз.
Къонакъ кёб келюучю юйню, къазаны отдан тюшмез.
Джылар джаш, атасыны сакъалы бла ойнар.
Джюрекден джюрекге джол барды.
Чомарт джарлы болмаз.
Ач келгенни – тойдур, кеч келгенни – къондур.
Билимден уллу байлыкъ джокъду.
Баргъанынга кёре болур келгенинг.
Эски джаугъа ышанма.
Биреуню къыйынлыгъы бла кесинге джол ишлеме.
Этим кетсе да, сюегим къалыр.
Келгинчи, къонакъ уялыр, келгенден сора, къонакъбай уялыр.
Билим ат болуб да чабар, къуш болуб да учар.
Ана кёлю – балада, бала кёлю – талада.
Итли къонакъ джарашмаз.
Къарнынг ауруса, ауузунгу тый
Къайгъыны сюйген, къайгъы табар.
Нафысынгы айтханын этме, намысынгы айтханын эт.
Бети къызарыучу адамны, джюреги харам болмаз.
Къыз тиширыу кеси юйюнде да къонакъды.
Игиге айтсанг – билир, аманнга айтсанг – кюлюр.
