Ким бла джюрюсенг, аны кёзю бла кёрюнюрсе.
Дууулдаса – бал чибин, къонса – къара чибин.
Ойнай-ойнай кёз чыгъар.
Дженгил джетерикме деб, узун джолну къоюб, къысхасын барма.
Ана – юйню кюн джарыгъы.
Чалманны аллы къалай башланса, арты да алай барады.
Биреуню тёрюнден, кесинги эшик артынг игиди.
Уруну арты – къуру.
Ат да турмайды бир териде.
Асхат ашлыкъ сата, юйдегиси ачдан къата.
Аурууну келиую тынч, кетиую – къыйын.
Аман къатын алгъан, арыр, иги къатын алгъан джарыр.
Узун джолну барсанг, бюгюн келирсе, къысха джолну барсанг, тамбла келирсе.
Арбаз сайлама да, хоншу сайла.
Адамгъа аман кюн соруб келмейди.
Байлыкъдан саулукъ ашхыды.
Бермеген къол, алмайды.
Тёрде – темир таякълы, къаяда – чыпчыкъ аякълы.
Гырджын – тепсини тамадасы.
Тик ёргени, тик энгишгеси да болады.
Кесинге джетмегенни, кёб сёлешме.
Эл тойса, тоймагъан, эл къойса, къоймагъан.
Хар ишни да аллы къыйынды.
Акъылсызны джууукъгъа алма, акъыллыны кенгнге салма.
Суу кетер, таш къалыр.
Ашда – бёрю, ишде – ёлю.
Къонакъ аман болса, къонакъбай джунчур
Биреуню къыйынлыгъы бла кесинге джол ишлеме.
Билимли ёлмез, билимсиз кёрмез.
Нёгер болсанг, тенг бол, тенг болмасанг, кенг бол.
Кёлю джокъну – джолу джокъ.
Чоюнну башы ачыкъ болса, итге уят керекди.
Къан бла кирген, джан бла чыгъар.
Ауузу аманнга «иги», деме.
Орну джокъну – сыйы джокъ.
Зарда марда джокъ.
Уллу сёлешме да, уллу къаб.
Кёкдеги болмаса, джердегин кёрмейди.
Тау башында, тау болмаз, джангыз терек, бау болмаз.
Адам къыйынлыгъын кёлтюрюр, зауукълугъун кёлтюрмез.
Акъыллы – эл иеси, тели – эл баласы.
Тюзню ётмеги тюзде къалса да, тас болмаз.
Къызгъанчдан ычхыныр, мухардан ычхынмаз.
Ёлмесенг да, къарт дамы болмазса?
Айтханы чапыракъдан ётмеген.
Тешигини къатында, чычхан да батыр болур.
Тыш элде солтан болгъандан эсе, кесинги элде олтан болгъан игиди!
Атлыны кёрсе, джаяуну буту талыр.
Нарт сёз къарт болмаз.
Джауумдан сора, кюн кюйдюрюр, ётюрюкден сора, айыб кюйдюрюр.
