Байлыкъ келсе, акъыл кетер.
Эринчекни эр алмаз, эр алса да, кёл салмаз, кёл салса да, кёб бармаз!
Къыз келсе, джумуш эте келеди, къатын келсе, ушакъ эте келеди.
Кёзюнде тереги болгъан, чёбю болгъаннга кюле эди.
Нафысынгы айтханын этме, намысынгы айтханын эт.
Ат да турмайды бир териде.
Халкъгъа джарагъан, джарлы къалмаз.
Юре билмеген ит, къонакъ келтирир.
Сакъламагъан затынга джолукъсанг, не бек къууанаса, не бек ачыйса.
Сабий болмагъан джерде, мёлек болмаз.
Биреуню эскиси биреуге джангы болмайды.
Адамны джюреги нени кёрюрге сюйсе, кёзю да аны кёрюрге ёч болады.
Ашха уста, юйюнде болсун
Тойгъа барсанг, тоюб бар, эски тонунгу къоюб бар.
Тюз сёз баргъан сууну тыяр.
Ана къолу ачытмаз.
Кёрмегеннге кебек – танг, битмегеннге сакъал – танг.
Адам бла мюлк юлешмеген эсенг, ол адамны билиб бошагъанма, деб кесинги алдама.
Джарлы джети элни сёзюн этер.
Ханнга да келеди хариблик.
Юй кюйдю да, кюйюз чыкъды, ортасындан тюйюш чыкъды.
Ишленмеген джаш – джюгенсиз ат, ишленмеген къыз – тузсуз хант.
Намысы джокъну – дуниясы джокъ.
Билим ат болуб да чабар, къуш болуб да учар.
Сёлеш деб шай берген, тохта деб, сом берген.
Айтылгъан сёз ызына къайтмаз.
Кёб джат да, бек чаб.
Орундукъ тюбюнде атылсам да, орта джиликме, де да айлан.
Юйлю уругъа ит чабмаз.
Къолунгдан къуймакъ ашатсанг да, атаны борчундан къутулмазса.
Керек ташны ауурлугъу джокъ.
Рысхы джалгъанды: келген да этер, кетген да этер.
Кечеси – аяз, кюню – къыш, джарлы къаргъагъа бир аш тюш!
Чыкълы кюнде чыкъмагъан, чыкъса къуру кирмеген.
Эрине къаргъыш этген къатын, эрнин къабар.
Кесине оноу эте билмеген, халкъына да эте билмез.
Айтхан сёзюне табылгъан.
Сёз – кюмюш, джыр – алтын.
Ёлюр джаннга, ёкюл джокъ.
Ким бла джюрюсенг, аны кёзю бла кёрюнюрсе.
Аман къатын сабий табса, бий болур…
Адам боллукъ, атламындан белгили болур.
Суу ичген шауданынга тюкюрме.
Эки къатын алгъанны къулагъы тынгнгаймаз.
Къызны минг тилер, бир алыр.
Сабыр джетер муратха, сабырсыз къалыр уятха.
Джылар джаш, атасыны сакъалы бла ойнар.
Ата – баланы уясы.
Эллинг бла джау болсанг да, юйюнг бла джау болма.
Кёкдеги болмаса, джердегин кёрмейди.
