Чомарт къолда мал къалмаз.
Кёлю джокъну – джолу джокъ.
Сабийликде юретмесенг, уллу болса – тюзелмез.
Аурууну келиую тынч, кетиую – къыйын.
Тин – байлыгъынг, терен саулугъунг.
Керек ташны ауурлугъу джокъ.
Ишленмеклик адамлыкъды.
Алтыда кюлмеген, алтмышда кюлмез.
Къартха ушагъан джаш – акъыллы, джашха ушагъан къарт – тели.
Ишлемеген – тишлемез.
Ауузу бла къуш тута айланады.
Уллу атлама – абынырса, уллу къабма – къарылырса.
Келгинчи, къонакъ уялыр, келгенден сора, къонакъбай уялыр.
Орну джокъну – сыйы джокъ.
Аман адамны тепсинге олтуртсанг, къызынгы тилер.
Къралынгы – душмандан, башынгы от бла суудан сакъла.
Къалгъан ишге къар джауар.
Оюмсуз атлагъан, аджалсыз ёлюр.
Адеби болмагъан къыз – тузсуз хант.
Билген билмегенни юретген адетди.
Айтхан – тынч, этген – къыйын.
Тюкюрюк баш джармаз, налат кёз чыгъармаз!
Бал – татлы, балдан да бала – татлы.
Къызгъанчдан ычхыныр, мухардан ычхынмаз.
Орундукъ тюбюнде атылсам да, орта джиликме, де да айлан.
Къумурсхала джыйылсала, пилни да джыгъадыла.
Кёб джашагъан – кёб билир.
Кесинг сынамагъан затны, адамгъа буюрма.
Аллахдан тилесенг, кёб тиле.
Акъыл неден да кючлюдю.
Къууут – джелге, берне – бошха.
Къарнынг тойгъунчу аша да, белинг талгъынчы ишле.
Тёгюлген тюгел джыйылмайды.
Чомартха хар кюн да байрамды.
Аз сёлеш, кёб ишле.
Тамбла алтындан бюгюн багъыр ашхы.
Дуния мал дунияда къалады.
Баргъанынга кёре болур келгенинг.
Этим кетсе да, сюегим къалыр.
Къонакъны къачан кетерин сорма, къачан келлигин сор.
Джашда акъыл джокъ, къартда къарыу джокъ.
Татлы тилде – сёз ариу, чемер къолда – иш ариу.
Къая джолда джортма, ачыкъ сёзден къоркъма.
Акъылсызны джууукъгъа алма, акъыллыны кенгнге салма.
Азыкълы ат арымаз, къатыны аман джарымаз.
Элге къуллукъ этмеген, элге ие болмаз.
Ёлюк кебинсиз къалмаз.
Къонакъ аман болса, къонакъбай джунчур
Накъырданы арты керти болур.
Къатын байлыкъны сюер, эр саулукъну сюер.
