Окъуусуз билим – джокъ, билимсиз кюнюнг – джокъ.
Аууз сакълагъан – джан сакълар.
Экиндини кеч къылсанг, чабыб джетер ашхам.
Тойгъа алгъа да барма, тойда артха да къалма.
Арыгъан къош чамчы болур.
Намысы болмагъанны, сыйы болмаз.
Ауузу аманнга «иги», деме.
Сангырау къулакъ эл бузар.
Айырылмаз джууугъунга, унутмаз сёзню айтма.
Адамны джюреги нени кёрюрге сюйсе, кёзю да аны кёрюрге ёч болады.
Намысы джокъну – дуниясы джокъ.
Магъанасыз сёз – тауушсуз сыбызгъы.
Кийиминг бла танылма, адамлыкъ бла таныл.
Кёзюнде тереги болгъан, чёбю болгъаннга кюле эди.
Джеринден айырылгъан – джети джылар, джуртундан айырылгъан – ёлгюнчю джылар.
Къууут – джелге, берне – бошха.
Кёб джат да, бек чаб.
Махтаннган къыз, тойда джукълар.
Эллинг бла джау болсанг да, юйюнг бла джау болма.
Баш болса, бёрк табылыр.
Орну джокъну – сыйы джокъ.
Кесинге джетмегенни, кёб сёлешме.
Итли къонакъ джарашмаз.
Арпа, будай – ащды, алтын, кюмюш а – ташды.
Суугъа – чабакъ, къаягъа – ыргъакъ.
Сабыр джетер муратха, сабырсыз къалыр уятха.
Адам туугъан джеринде, ит тойгъан джеринде.
Ашлыкъ – бюртюкден, джюн – тюкден.
Джуртун къоругъан озар.
Къарнынг къанлынга кийирир.
Сёз сёзню айтдырыр.
Юй ишлеген балта эшикде къалыр.
Сабий кёргенин унутмаз.
Арба аугъандан сора, джол кёргюзтюучю кёб болур.
Татлы сёз – балдан татлы.
Биреуге кёлтюрген таягъынг, кесинги башынга урур.
Ашлыкъны арба юйге келтирир, чана базаргъа элтир.
Дуния малгъа сатылма, кесингден телиге къатылма.
Тилчи тилден къаныкъмаз.
Эркишини аманы тиширыуну джылатыр.
Тешигини къатында, чычхан да батыр болур.
Кёб джашагъан – кёб билир.
Келгинчи, къонакъ уялыр, келгенден сора, къонакъбай уялыр.
Кеси юйюмде мен да ханма.
Сибиртки да сыйлы болду, кюрек да кюнлю болду.
Ичимден чыкъды хата, къайры барайым сата?
Байлыкъ келсе, акъыл кетер.
Нарт сёз – тилни бети.
Эр абынмай, эл танымаз.
Аурууну келиую тынч, кетиую – къыйын.
