Байлыкъ келсе, акъыл кетер.
Дууулдаса – бал чибин, къонса – къара чибин.
Урунуу – насыбны анасы.
Тау башында, тау болмаз, джангыз терек, бау болмаз.
Игиге айтсанг – билир, аманнга айтсанг – кюлюр.
Акъдан къара болмаз.
Ата Джуртун танымагъан, атасын да танымаз.
Къаллай салам берсенг, аллай джууаб алырса.
Аджашхан тёгерек айланыр.
Онгсузну – джакъла, тенгликни – сакъла.
Агъач халкъгъа алтынды, иссиликге салкъынды.
Джарлы эскисин джамаса, къууаныр.
Ишлегенде эринме, ишде чолакъ кёрюнме.
Ариу сёзде ауруу джокъ.
Адамны джюреги нени кёрюрге сюйсе, кёзю да аны кёрюрге ёч болады.
Кесинге джетмегенни, кёб сёлешме.
Байны къызы баймакъ болса да, юйде къалмаз!
Джауумдан сора, кюн кюйдюрюр, ётюрюкден сора, айыб кюйдюрюр.
Ана кёлю – балада, бала кёлю – талада.
Тёрдеги кюлсе, эшикдеги ышарыр.
Къонакъ аз олтурур, кёб сынар.
Бир онгсуз адам адет чыгъарды, деб эштирик тюлсе.
Келгинчи, къонакъ уялыр, келгенден сора, къонакъбай уялыр.
Мухардан ач ычхынмаз.
Ёнгкюч къууана барыр, джылай келир.
Джумушакъ сёз къаты таякъны сындырыр.
Олтуруб кёрюнмей эди да, ёрге туруб кёрюне эди.
Ёлюк кебинсиз къалмаз.
Ишин билген, аны сыйын чыгъарады.
Ёпкелегенни ашы татлы болады.
Эл тойса, тоймагъан, эл къойса, къоймагъан.
Къонакъ болсанг, ийнакъ бол.
Aдам боллукъ, сыфатындан белгили.
Къайгъы тюбю – тенгиз.
Джюз элде джюз ёгюзюм болгъандан эсе, джюз джууугъум болсун.
Ишленмеклик адамлыкъды.
Къая джолда джортма, ачыкъ сёзден къоркъма.
Кёбге таш атма.
Эртде тургъан бла эртде юйленнген сокъуранмаз.
Джырчы джырчыгъа – къарнаш.
Таш бла ургъанны, аш бла ур.
Махтаннган къыз, тойда джукълар.
Биреуню тёрюнден, кесинги эшик артынг игиди.
Тойгъа барсанг, тоюб бар, эски тонунгу къоюб бар.
Адеб этмеген, адеб кёрмез.
Кёзден кетген, кёлден да кетеди.
Биреуге кёлтюрген таягъынг, кесинги башынга урур.
Къан бла кирген, джан бла чыгъар.
Шекер бла туз – бир болмаз, ушамагъан – юй болмаз.
Тиширыусуз юй – отсуз от джагъа.
