Аманнга да, игиге да оноусуз къатышма.
Этек чакъмакълары баш джаргъан, сёлешген сёзлери таш джаргъан.
Болджал ишни бёрю ашар.
Кесинге джетмегенни, кёб сёлешме.
Джюрекге ариу – кёзге да ариу.
Хар адамгъа кеси миннген тау кибик.
Адеб базарда сатылмаз.
Аманны къуугъан, аманлыкъ табар.
Адеб этмеген, адеб кёрмез.
Къатын байлыкъны сюер, эр саулукъну сюер.
Иги адам абынса да, джангылмаз.
Урунуу – насыбны анасы.
Тойну къарнашы – харс, джырны къарнашы – эжиу.
Атадан ёксюз – бир ёксюз, анадан ёксюз – эки ёксюз.
Керти сёзге тёре джокъ.
Ёлмесенг да, къарт дамы болмазса?
Керек ташны ауурлугъу джокъ.
Юй ишлеген балта эшикде къалыр.
Биреуге аманлыкъны тилеме да, кесинге ашхылыкъны тиле.
Байлыкъ тауусулур, билим тауусулмаз.
Баш – акъыл ючюн, акъылман – халкъ ючюн.
Сёз садакъдан кючлюдю.
Чакъырылмагъан къонакъ – орунсуз.
Халкъны юйю – туугъан джери.
Тилчи тилден къаныкъмаз.
Джаралыны джастыгъында сау ёлюр.
Уллу атлама – абынырса, уллу къабма – къарылырса.
Шекер бла туз – бир болмаз, ушамагъан – юй болмаз.
Гыдай эчки суугъа къараб, мюйюзле кёрмесе, джашма алкъын, дегенди.
Ёзденликни кёбю ётюрюк.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ёпкелегенни ашы татлы болады.
Кёб джашагъан – кёб билир.
Ойнай билмеген, оюн бузар.
Тас болгъан бычакъны сабы – алтын.
Аджалсыз ёлюм болмаз.
Ишлемеген – тишлемез.
Таш бла ургъанны, аш бла ур.
Элде адам къалмаса, ит тахтагъа минер.
Чомартны къолун джокълукъ байлар.
Джашынгы кесинг юретмесенг, джашау юретир.
Сютню башын джалагъан къутулур, тюбюн ичген тутулур.
Ётюрюкчюню шагъаты – къатында.
Адам сёзюнден белгили.
Арыгъан къош чамчы болур.
Кёб ант этген, кёб ётюрюк айтыр.
Аман адам этегингден тутса, кес да къач.
Берекет берсин деген джерде, берекет болур.
Адамны джюреги нени кёрюрге сюйсе, кёзю да аны кёрюрге ёч болады.
Окъдан джара эртде-кеч болса да бителир, сёз джара, ёмюрге къалыр.
