Сууда джау джокъ, кёб сёзде магъана джокъ.
Хаухну атма, ёнгкючню сатма.
Оюмсуз атлагъан, аджалсыз ёлюр.
Сакъламагъан затынга джолукъсанг, не бек къууанаса, не бек ачыйса.
Къонакъ хазыр болгъанлыкъгъа, къонакъбай хазыр тюлдю.
Айныгъанлы алты кюн, тогъайгъанлы тогъуз кюн.
Къралынгы – душмандан, башынгы от бла суудан сакъла.
Иши джокъну, сыйы джокъ.
Аманнга игилик этсенг, юйюнге сау бармазса.
Насыблы элин сюер, насыбсыз кесин сюер.
Ётюрюк хапар аякъ тюбю бла джюрюйдю.
Башсыз урчукъ тюзюне айланмаз.
Татлы сёз – балдан татлы.
Насыб бютеу халкъны юлюшюдю.
Ач, тоймам, дейди, тойгъан, ач болмам, дейди.
Акъыл бла адеб эгизледиле.
Аджалсыз ёлюм болмаз.
Юйюнгден чыкъдынг – кюнюнгден чыкъдынг.
Бюгюн дуния кибик, тамбла ахыратды.
Ойнай билмеген, уруб къачар.
Акъыллы айтыр эди, акъылсыз къоймайды.
Таукел къуру къалмаз.
Джангыз терек къынгыр ёсер.
Келинни – келгинчи, бёркню кийгинчи кёр.
«Ёгюз, джаргъа джууукъ барма, меннге джюк боллукъса», - дегенди эшек.
Башда акъыл болмаса, эки аякъгъа кюч джетер.
Бетинги сатма, малынгы сат.
Байны къызы баймакъ болса да, юйде къалмаз!
Кюл тюбюндеги от кёрюнмейди.
Ачылгъан эт джабылыр, кёрген кёз унутмаз.
Джыйырма къойну юч джыйырма эбзе кюте эди.
Халкъгъа джарагъан, джарлы къалмаз.
Сагъыш – къартлыкъгъа сюйюмчю.
Аманны эки битли тону болур, бирин сеннге кийдирир, бирин кеси киер.
Къызын тута билмеген, тул этер, джашын тута билмеген, къул этер.
Ариу сёз – джаннга азыкъ, аман сёз – башха къазыкъ.
Ашарыкъда сайлагъаннга – чий гырджын.
Билим – акъылны чырагъы.
Эр абынмай, эл танымаз.
Кёб джат да, бек чаб.
Баргъанынга кёре болур келгенинг.
Джюрек кёзден алгъа кёрюр.
Рысхы джалгъанды: келген да этер, кетген да этер.
Иесиз малны бёрю ашар.
Тас болгъан бычакъны сабы – алтын.
Бал ашаргъа сюе эсенг, чибин ургъаннга тёз.
Ачыу алгъа келсе, акъыл артха къалады.
Чомарт къонакъ юй иесин сыйлар.
Аджашхан тёгерек айланыр.
Ата джурт – алтын бешик.
