Берекет берсин деген джерде, берекет болур.
Акъыл къартда, джашда тюйюлдю – башдады.
Атынг аманнга чыкъгъандан эсе, джанынг тамагъынгдан чыкъсын.
Биреуге аманлыкъ этиб, кесинге игилик табмазса.
Къонакъ аз олтурур, кёб сынар.
Адеб базарда сатылмаз.
Ёзденликни кёбю ётюрюк.
Адамны аты башхача, акъылы да башхады.
Артына баргъанны, къатына барма.
Ашхы адам – халкъ байлыгъы, ашхы джер – джашау байлыгъы.
Суу кетер, таш къалыр.
Кёпюр салгъан кеси ётер, уру къазгъан кеси кетер.
Къонакъ хазыр болгъанлыкъгъа, къонакъбай хазыр тюлдю.
Адебсиз адам – джюгенсиз ат.
Башынга джетмегенни сорма.
Кёб ант этген, кёб ётюрюк айтыр.
Джерни букъусу кёкге къонмаз.
Эртде тургъан бла эртде юйленнген сокъуранмаз.
Ким бла джюрюсенг, аны кёзю бла кёрюнюрсе.
Ашхы сёз таш тешер.
Эллинг бла джау болсанг да, юйюнг бла джау болма.
Битмегеннге сакъал – танг.
Эте билген, этген этеди, эте билмеген, юретген этеди!
Бёрю да ач къалмасын, эчки да ашалмасын.
Башланнган иш битер, къымылдагъан тиш тюшер.
Къумурсхала джыйылсала, пилни да джыгъадыла.
Къыз тиширыу кеси юйюнде да къонакъды.
Тай асырагъан, атха минер.
Ёксюзню къалачы уллу кёрюнюр.
Джеринден айырылгъан – джети джылар, джуртундан айырылгъан – ёлгюнчю джылар.
Тойгъан джерден туугъан джер игиди.
Баш болса, бёрк табылыр.
Чомарт къонакъ юй иесин сыйлар.
Сакъламагъан затынга джолукъсанг, не бек къууанаса, не бек ачыйса.
Билим къая тешер.
Иги – алгъыш этер, аман – къаргъыш этер.
Окъумагъан сокъурду, сокъур ташха абыныр!
Кечеси – аяз, кюню – къыш, джарлы къаргъагъа бир аш тюш!
Дженгил джетерикме деб, узун джолну къоюб, къысхасын барма.
Баланы адам этген анады.
Харам къарнашдан, халал тенг ашхы.
Ойнай билмеген, оюн бузар.
Кимни – тили, тиши онглу, кимни – къолу, иши онглу.
Биреу къой излей, биреу той излей.
Къонакъ кёб келюучю юйню, къазаны отдан тюшмез.
Кёл ашады да, кеси ашады.
Абынмазлыкъ аякъ джокъ, джангылмазлыкъ джаякъ джокъ.
Хар зат кесини орнуна иги.
Ата Джуртуму башы болмасам да, босагъасында ташы болайым.
Адеб этмеген, адеб кёрмез.
