Тёрдеги кюлсе, эшикдеги ышарыр.
Джарлы эскисин джамаса, къууаныр.
Бойнуму джети джерден кессенг да, мен ол ишни этеллик тюлме.
Кёзюнде тереги болгъан, чёбю болгъаннга кюле эди.
Аманнга алтын чыдамаз.
Къан бла кирген, джан бла чыгъар.
Ётюрюкден тюбю джокъ, кёлтюрюрге джиби джокъ.
Кёб къычыргъандан – къоркъма, тынч олтургъандан – къоркъ.
Аман къатын алгъан, арыр, иги къатын алгъан джарыр.
Окъ къызбайны джокълайды.
Ата Джуртча джер болмаз, туугъан элча эл болмаз.
Къолу уллу – асыу, аягъы уллу – джарсыу.
Акъыллы эркиши атын махтар, акъылсыз эркиши къатынын махтар.
Агъач – джерни чырайы, кийим – эрни чырайы.
Хансыз джомакъ болмаз.
Аджашханны ызындагъы кёреди, джангылгъанны джанындагъы биледи.
Иши джокъну, сыйы джокъ.
Окъдан джара эртде-кеч болса да бителир, сёз джара, ёмюрге къалыр.
Ариу сёз – джаннга азыкъ, аман сёз – башха къазыкъ.
Ёмюрлюк шохлукъну джел элтмез.
Халкъны юйю – туугъан джери.
Сормай – алма, чакъырылмай – барма.
Джолда аягъынга сакъ бол, ушакъда тилинге сакъ бол.
Ёлген аслан – сау чычхан.
Джылыгъа джылан илешир.
Къумурсхала джыйылсала, пилни да джыгъадыла.
Ётюрюкню къуйругъу – бир тутум.
Ёксюзню къалачы уллу кёрюнюр.
Соргъан айыб тюлдю, билмеген айыбды.
Джырчы джырчыгъа – къарнаш.
Терслик кетер, тюзлюк джетер.
Сагъышы джокъ – джукъучу, акъылы джокъ – къаугъачы.
Суу да къайтады чыкъгъан джерине.
Джылкъыдан – ат чыгъар, тукъумдан – джаш чыгъар.
Акъыл неден да кючлюдю.
Билгенни къолу къарны джандырыр.
Биреуню къыйынлыгъы бла кесинге джол ишлеме.
Чомарт къолда мал къалмаз.
Ауругъан – джашаудан умутчу.
Тулпарлыкъ, билекден тюл – джюрекден.
Баланы адам этген анады.
Сибиртки да сыйлы болду, кюрек да кюнлю болду.
Азыгъы аз, алгъа къабар, аты аман, алгъа чабар.
Тилсиз миллет джокъ болур.
Башы ишлегенни, ауузу да ишлер.
Джылар джаш, атасыны сакъалы бла ойнар.
Тамырсыз терекге таянма – джыгъылырса.
Аман хансны – урлугъу кёб.
Арба аугъандан сора, джол кёргюзтюучю кёб болур.
Юй кюйдю да, кюйюз чыкъды, ортасындан тюйюш чыкъды.
