Войти на сайт
12 Августа  2022 года

 

  • Тили узунну, намысы – къысха.
  • Ач, тоймам, дейди, тойгъан, ач болмам, дейди.
  • Арбаз къынгырды да, ийнек сауалмайма.
  • Джырчы ёлсе, джыры къалыр.
  • Уллу сёзде уят джокъ.
  • Джарлы тюеге минсе да, ит къабар.
  • Окъугъан – асыу, окъумагъан – джарсыу.
  • Джукъу тёшек сайламайды.
  • Башланнган иш битер, къымылдагъан тиш тюшер.
  • Зар адамны насыбы болмаз.
  • Къазанда болса, чолпугъа чыгъар.
  • Ашхы тенг джолгъа салыр, аман тенг джолдан тайдырыр.
  • Биреуню тёрюнден, кесинги эшик артынг игиди.
  • Билим насыб берир, билим джолну керир.
  • Аман киши кеси юйюнде – къонакъ.
  • Чакъырылгъанны аты, чакъырылмагъанны багъасы болур.
  • Тамчы таш тешер.
  • Тынгылагъан тынгы бузар.
  • Аджашханны ызындагъы кёреди, джангылгъанны джанындагъы биледи.
  • Тойгъа барсанг, тоюб бар, эски тонунгу къоюб бар.
  • Джиби бир къат джетмей эди да, эки къат тарта эди.
  • Алма терегинден кери кетмез.
  • Адам къаллай бир ишленмесе, аллай бир кесин уллу кёреди.
  • Оюмсуз атлагъан, аджалсыз ёлюр.
  • Соргъан айыб тюлдю, билмеген айыбды.
  • Къатын байлыкъны сюер, эр саулукъну сюер.
  • Чабар ат – джетген къыз.
  • Киштикге къанат битсе, чыпчыкъ къалмаз эди.
  • Чоюнну башы ачыкъ болса, итге уят керекди.
  • Адебсиз адам – джюгенсиз ат.
  • Ёлюк кебинсиз къалмаз.
  • Сангырау къулакъ эл бузар.
  • Джырына кёре эжиую.
  • Эри аманны, къатыны – аман.
  • Ана къолу ачытмаз.
  • Чабакъсыз кёлге къармакъ салгъанлыкъгъа, чабакъ тутмазса.
  • Таугъа чыгъаллыкъ эсенг, тюзде къалма.
  • Джангыз торгъай джырламаз.
  • Эшекни не къадар тюйсенг да, ат болмаз.
  • Бойнуму джети джерден кессенг да, мен ол ишни этеллик тюлме.
  • Эм ашхы къайын ана мамукъ бла башынгы тешер.
  • Тилчи бир сагъатха айлыкъ хата этер.
  • Хазыр ашха – терен къашыкъ.
  • От кюйдюрген, сау болса да, тот кюйдюрген, сау болмаз.
  • Намысы джокъну – дуниясы джокъ.
  • Берекет берсин деген джерде, берекет болур.
  • Билимли ёлмез, билимсиз кёрмез.
  • Ач къалгъандан, кеч къалгъан къолай.
  • Кесинге джетмегенни, кёб сёлешме.
  • Билмезни кёзю кёрмез, этмезни къулагъы эшитмез.

 

Страницы: 1
RSS
АДАМЛЫКЪДАН КЪЫЯУ ЭТГЕН ЗАТЛА
 
"Къарачайда къайсы таугъа да тий, барысы да бий",-деб бир эски сез барды да, аллайын, къарачайда бир башхасыны фахмусуна, джетишимлерине, онгуна зарлыкъ этерге сюйгенле, ишине, джашауна, башарысына тыйгъыч салыучула чыгъыучандыла. Хар ким кесин эм аламат билгенинденми болур, ким билир!.. Тюзюн айтсакъ, аллай юлгюле кетген заманлада кеб болгъанды. Ат, тукъум айтыб, былайда бирлени уялтыргъа керек джокъду, алай джашанган затладан дерс алыб, къарачай халкъ кесини белгили адамларына сый бериб, керекли джерде тутаргъа юренмесе, билим, адамлыкъ, халкъ сюймеклиги керек джерледе, ишини тутар, сезюню керегича ангылатыр уллусу, адамы болмай къаллыкъды. Бир нарт сезде, "Илячин урулса, гугурук джырчы болур",- дейди. Къарачай да, озгъан заманлада "гугуруклагъа" къала къала тургъанды. Мындан ары, аллах айтса, джангы телю бу джангылычланы къайтармаз. [b:a2f188705b]Аманланы ичинде иги болгъандан эсе, игилени ичинде тенг болгъан игиди. [/b:a2f188705b] Сизни джашаугъузда аллай затла болдуламы? Бу тема бизни джашаубузда болгъан татыусузлукъланы сюзерге джарар деб ачдым. Къошулгъанга къошулмагъанга да салам болсун![i:a2f188705b][/i:a2f188705b]
 
къарачай ишге, акъылгъа, терге сый берирге юренналлыкъ болмаз. хар адамда кесин пелиуаннга санаб айлар=ныргъа излейди. а джашау сындырсауа башхаланы терсге санаб турады
 
Цитата
къарачай ишге, акъылгъа, терге сый берирге юренналлыкъ болмаз. хар адамда кесин пелиуаннга санаб айлар=ныргъа излейди. а джашау сындырсауа башхаланы терсге санаб турады
************************************************ ГАРДТ-ХАН: Чуутлуладан юлгю алыргъа керекди. Не фахму, не акъыл, не болум, не тарих, не сыфат-чырай бла къарачайлыны къатына туралмаз халкъды, алай бир-бирин тутханы бла, дунияны къалайында болса да, кесиникин атмагъаны бла, къаллай онг алыб, дуниягъа къалай сёз ётдюрюб турады. Хунланы, алан-сарматланы къатышхан культурасын джашатхан, алкъын адети-тёреси ёлмеген Къарачай, бу бир-бирин сюймеген ауруундан къутулмаса, тас болуб кетерикди. Дуния алгъын заманладача тюлдю. Адам улу кёбейгенди, аны бла бирге да, кючлю орунлуду - деген оюм ортагъа чыкъгъанды. Кюч а- бир иннетли, бир-бирине аркъа-сырт болуудады. [b:86b098c6c5]Биз джарлыла уа муну эталмайбыз, ЁРГЕ ЧЫКЪГЪАНЫБЫЗНЫ ЭНДИРИРГЕ КЮРЕШГЕН БОЛМАСА, АНЫ АЛАЙДА ТУТАЙЫМ, МАНГА ДА ХАЛКЪЫМА ДА СЫЙДЫ-дей билмейбиз.[/b:86b098c6c5] Тыш къарачайлыланы форумунда бир аламат айтыу окъудум: [b:86b098c6c5]БИЗНИ ЭМ АМАНЫБЫЗ БАШХАЛАНЫ ЭМ ИГИСИНДЕН ИГИДИ"[/b:86b098c6c5],-деб. Бек джаратдым. Къарачайлыла да джаратырла дейме.[b:86b098c6c5] Келигиз бир-бирибизге бу иги айтыудача къараргъа юренейик. [/b:86b098c6c5] Алдаукъчулагъа, тукъум бла джыйылыб джалгъан шагъатлыкъ этгенлеге, кеси халкъыны адамына залимлик этгенлеге, кеси къызларыны намысы бла ойнагъанлагъа, ичиб, уюштуруучу дарманга баш салыб, аман селешиб, сыйсыз иш этиб халкъны сындыргъанлагъа, ачхагъа сый бериб билимни артха тюртгенлеге, хар джерде, хар тюбеген айыб этсе, бу къара зарлыкъдан, бу юренгич болгъан аман халларыбыздан къутулурбуз деб тюшюнеме. Хоншу халкъыбызны, о къадар ётюрюк айтханы бла да, дуниягъа атын эштдириб, болмагъан халкъын 10 мил. этиб, дунияны сёзюне тынгылатыб башлагъаны, [b:86b098c6c5]ма ол бизни эталмагъаныбыз,[/b:86b098c6c5] бир-бирине билек бола билгенинден болуб барады. Къарачай уллу хун-тюрк, алан-сармат, скиф халкъларыны бир уругъуду. Башха халкъла болмагъан джуукълукъла джаратыргъа кюрешедиле, биз а керти эт-дженг къарнашларыбыз бла, ортакъ бир оюм этиб, джашауубузгъа бир тюз джорукъ чизалмайбыз. Бу форумда акъыллы джашлагъа тюбедим. Эскидеги къыяула келир заманда болмаз деб ышанырчады.
 
[b:8502b4b4e8]fay[/b:8502b4b4e8], бир бирин тутхандан тюлдю. мен бек кеб къарачайлылагъа болушханма, мадарыма кере. энди болушмайма - нек десенг? ол мен болушханла, менге ызыма келиб зорлукъ, артыкълыкъ салыргъа излейдиле кебюсюне. джангыз бир затны унутадыла - болуша, келтюре билген адам, сындыра тюшере да биледи. бизни миллетни эм аман халиси - башчыгъа бойсуна билмегениди. акъыллыгъа, билимлиге тынглай билмейди миллет эм джангызла. энтда бир сез - бизни адетлерибиз бизге болушаллыкъдыла, алай а къарачайны адетлери бла ислам динни (араб миллетни) адетлерин бири бирине къатыштырмасакъ.
Цитата
тукъум бла джыйылыб джалгъан шагъатлыкъ этгенлеге
бу сезюнгю бир англат
 
бир бирин тутхандан тюлдю. мен бек кеб къарачайлылагъа болушханма, мадарыма кере. энди болушмайма - нек десенг? ол мен болушханла, менге ызыма келиб зорлукъ, артыкълыкъ салыргъа излейдиле кебюсюне. джангыз бир затны унутадыла - болуша, келтюре билген адам, сындыра тюшере да биледи. бизни миллетни эм аман халиси - башчыгъа бойсуна билмегениди. акъыллыгъа, билимлиге тынглай билмейди миллет эм джангызла. энтда бир сез - бизни адетлерибиз бизге болушаллыкъдыла, алай а къарачайны адетлери бла ислам динни (араб миллетни) адетлерин бири бирине къатыштырмасакъ.
 
бир джукъда ангыламадым!
 
Цитата
бир джукъда ангыламадым!
Бирликде-тирлик, ансы чуутла хорлайдыла дейди :smt001
Страницы: 1
Читают тему (гостей: 1)

 

Написать нам