Войти на сайт
16 Июля  2025 года

 

  • Ойнай билмеген, уруб къачар.
  • Тамбла алтындан бюгюн багъыр ашхы.
  • Ёлген аслан – сау чычхан.
  • Кёбден умут этиб, аздан къуру къалма.
  • Мен да «сен», дейме, сен да «кесим», дейсе.
  • Адам сёзге тынгыла, акъыл сёзню ангыла.
  • Дженгил джетерикме деб, узун джолну къоюб, къысхасын барма.
  • Акъыллы – эл иеси, тели – эл баласы.
  • Кесинг сынамагъан затны, адамгъа буюрма.
  • Келлик заман – къартлыкъ келтирир, кетген заман – джашлыкъ ёлтюрюр.
  • Къонагъы джокъну – шоху джокъ.
  • Къозулугъунда тоймагъан, къойлугъунда тоймаз.
  • Бюгюн дуния кибик, тамбла ахыратды.
  • Эли джокъну – кёлю джокъ.
  • Намыс болмагъан джерде, насыб болмаз.
  • Бети бедерден, намыс сакълама.
  • Къонакъ аз олтурур, кёб сынар.
  • Билмезни кёзю кёрмез, этмезни къулагъы эшитмез.
  • Кийиминг бла танылма, адамлыкъ бла таныл.
  • Тойгъан антын унутур.
  • Джарлы джети элни сёзюн этер.
  • Бойнуму джети джерден кессенг да, мен ол ишни этеллик тюлме.
  • Къартны сыйын кёрмеген, къартлыгъында сыйлы болмаз.
  • Ашха уста, юйюнде болсун
  • Аман къатын алгъан, арыр, иги къатын алгъан джарыр.
  • Чабакъгъа акъыл, табагъа тюшсе келеди.
  • Билеги кючлю, бирни джыгъар, билими кючлю, мингни джыгъар.
  • Окъугъанны бети джарыкъ.
  • Накъырданы арты керти болур.
  • Аз сёлеш, кёб ишле.
  • Аман хансны – урлугъу кёб.
  • Кюл тюбюндеги от кёрюнмейди.
  • Ишлерге уял да, ашаргъа табма.
  • Джогъун бар этген, барын бал этген.
  • Ачлыкъ отха секиртир.
  • Акъыл къартда, джашда тюйюлдю – башдады.
  • Азыкълы ат арымаз, къатыны аман джарымаз.
  • Окъдан джара эртде-кеч болса да бителир, сёз джара, ёмюрге къалыр.
  • Келгинчи, къонакъ уялыр, келгенден сора, къонакъбай уялыр.
  • Къазанда болса, чолпугъа чыгъар.
  • Иги болса, тамадама – махтау, аман болса, меннге – айыб.
  • Къартха ушагъан джаш – акъыллы, джашха ушагъан къарт – тели.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Экеу тутушса, биреу джыгъылыр.
  • Ата Джуртун танымагъан, атасын да танымаз.
  • Накъырда – кертини келечиси.
  • Кёл ашады да, кеси ашады.
  • Тойну къарнашы – харс, джырны къарнашы – эжиу.
  • Намысы джокъну – дуниясы джокъ.
  • Ата Джуртча джер болмаз, туугъан элча эл болмаз.

 

Страницы: 1
RSS
АДАМЛЫКЪДАН КЪЫЯУ ЭТГЕН ЗАТЛА
 
"Къарачайда къайсы таугъа да тий, барысы да бий",-деб бир эски сез барды да, аллайын, къарачайда бир башхасыны фахмусуна, джетишимлерине, онгуна зарлыкъ этерге сюйгенле, ишине, джашауна, башарысына тыйгъыч салыучула чыгъыучандыла. Хар ким кесин эм аламат билгенинденми болур, ким билир!.. Тюзюн айтсакъ, аллай юлгюле кетген заманлада кеб болгъанды. Ат, тукъум айтыб, былайда бирлени уялтыргъа керек джокъду, алай джашанган затладан дерс алыб, къарачай халкъ кесини белгили адамларына сый бериб, керекли джерде тутаргъа юренмесе, билим, адамлыкъ, халкъ сюймеклиги керек джерледе, ишини тутар, сезюню керегича ангылатыр уллусу, адамы болмай къаллыкъды. Бир нарт сезде, "Илячин урулса, гугурук джырчы болур",- дейди. Къарачай да, озгъан заманлада "гугуруклагъа" къала къала тургъанды. Мындан ары, аллах айтса, джангы телю бу джангылычланы къайтармаз. [b:a2f188705b]Аманланы ичинде иги болгъандан эсе, игилени ичинде тенг болгъан игиди. [/b:a2f188705b] Сизни джашаугъузда аллай затла болдуламы? Бу тема бизни джашаубузда болгъан татыусузлукъланы сюзерге джарар деб ачдым. Къошулгъанга къошулмагъанга да салам болсун![i:a2f188705b][/i:a2f188705b]
 
къарачай ишге, акъылгъа, терге сый берирге юренналлыкъ болмаз. хар адамда кесин пелиуаннга санаб айлар=ныргъа излейди. а джашау сындырсауа башхаланы терсге санаб турады
 
Цитата
къарачай ишге, акъылгъа, терге сый берирге юренналлыкъ болмаз. хар адамда кесин пелиуаннга санаб айлар=ныргъа излейди. а джашау сындырсауа башхаланы терсге санаб турады
************************************************ ГАРДТ-ХАН: Чуутлуладан юлгю алыргъа керекди. Не фахму, не акъыл, не болум, не тарих, не сыфат-чырай бла къарачайлыны къатына туралмаз халкъды, алай бир-бирин тутханы бла, дунияны къалайында болса да, кесиникин атмагъаны бла, къаллай онг алыб, дуниягъа къалай сёз ётдюрюб турады. Хунланы, алан-сарматланы къатышхан культурасын джашатхан, алкъын адети-тёреси ёлмеген Къарачай, бу бир-бирин сюймеген ауруундан къутулмаса, тас болуб кетерикди. Дуния алгъын заманладача тюлдю. Адам улу кёбейгенди, аны бла бирге да, кючлю орунлуду - деген оюм ортагъа чыкъгъанды. Кюч а- бир иннетли, бир-бирине аркъа-сырт болуудады. [b:86b098c6c5]Биз джарлыла уа муну эталмайбыз, ЁРГЕ ЧЫКЪГЪАНЫБЫЗНЫ ЭНДИРИРГЕ КЮРЕШГЕН БОЛМАСА, АНЫ АЛАЙДА ТУТАЙЫМ, МАНГА ДА ХАЛКЪЫМА ДА СЫЙДЫ-дей билмейбиз.[/b:86b098c6c5] Тыш къарачайлыланы форумунда бир аламат айтыу окъудум: [b:86b098c6c5]БИЗНИ ЭМ АМАНЫБЫЗ БАШХАЛАНЫ ЭМ ИГИСИНДЕН ИГИДИ"[/b:86b098c6c5],-деб. Бек джаратдым. Къарачайлыла да джаратырла дейме.[b:86b098c6c5] Келигиз бир-бирибизге бу иги айтыудача къараргъа юренейик. [/b:86b098c6c5] Алдаукъчулагъа, тукъум бла джыйылыб джалгъан шагъатлыкъ этгенлеге, кеси халкъыны адамына залимлик этгенлеге, кеси къызларыны намысы бла ойнагъанлагъа, ичиб, уюштуруучу дарманга баш салыб, аман селешиб, сыйсыз иш этиб халкъны сындыргъанлагъа, ачхагъа сый бериб билимни артха тюртгенлеге, хар джерде, хар тюбеген айыб этсе, бу къара зарлыкъдан, бу юренгич болгъан аман халларыбыздан къутулурбуз деб тюшюнеме. Хоншу халкъыбызны, о къадар ётюрюк айтханы бла да, дуниягъа атын эштдириб, болмагъан халкъын 10 мил. этиб, дунияны сёзюне тынгылатыб башлагъаны, [b:86b098c6c5]ма ол бизни эталмагъаныбыз,[/b:86b098c6c5] бир-бирине билек бола билгенинден болуб барады. Къарачай уллу хун-тюрк, алан-сармат, скиф халкъларыны бир уругъуду. Башха халкъла болмагъан джуукълукъла джаратыргъа кюрешедиле, биз а керти эт-дженг къарнашларыбыз бла, ортакъ бир оюм этиб, джашауубузгъа бир тюз джорукъ чизалмайбыз. Бу форумда акъыллы джашлагъа тюбедим. Эскидеги къыяула келир заманда болмаз деб ышанырчады.
 
[b:8502b4b4e8]fay[/b:8502b4b4e8], бир бирин тутхандан тюлдю. мен бек кеб къарачайлылагъа болушханма, мадарыма кере. энди болушмайма - нек десенг? ол мен болушханла, менге ызыма келиб зорлукъ, артыкълыкъ салыргъа излейдиле кебюсюне. джангыз бир затны унутадыла - болуша, келтюре билген адам, сындыра тюшере да биледи. бизни миллетни эм аман халиси - башчыгъа бойсуна билмегениди. акъыллыгъа, билимлиге тынглай билмейди миллет эм джангызла. энтда бир сез - бизни адетлерибиз бизге болушаллыкъдыла, алай а къарачайны адетлери бла ислам динни (араб миллетни) адетлерин бири бирине къатыштырмасакъ.
Цитата
тукъум бла джыйылыб джалгъан шагъатлыкъ этгенлеге
бу сезюнгю бир англат
 
бир бирин тутхандан тюлдю. мен бек кеб къарачайлылагъа болушханма, мадарыма кере. энди болушмайма - нек десенг? ол мен болушханла, менге ызыма келиб зорлукъ, артыкълыкъ салыргъа излейдиле кебюсюне. джангыз бир затны унутадыла - болуша, келтюре билген адам, сындыра тюшере да биледи. бизни миллетни эм аман халиси - башчыгъа бойсуна билмегениди. акъыллыгъа, билимлиге тынглай билмейди миллет эм джангызла. энтда бир сез - бизни адетлерибиз бизге болушаллыкъдыла, алай а къарачайны адетлери бла ислам динни (араб миллетни) адетлерин бири бирине къатыштырмасакъ.
 
бир джукъда ангыламадым!
 
Цитата
бир джукъда ангыламадым!
Бирликде-тирлик, ансы чуутла хорлайдыла дейди :smt001
Страницы: 1
Читают тему (гостей: 1)

 

Написать нам