Войти на сайт
12 Августа  2022 года

 

  • Атадан ёксюз – бир ёксюз, анадан ёксюз – эки ёксюз.
  • Аджал соруб келмез, келсе, къайтыб кетмез.
  • Иги сеники эсе да, сюйген кесимикин этеме.
  • Ишин билген, аны сыйын чыгъарады.
  • Тюзню ётмеги тюзде къалса да, тас болмаз.
  • Баргъанынга кёре болур келгенинг.
  • Ачылгъан эт джабылыр, кёрген кёз унутмаз.
  • Ач къарным, тынч къулагъым.
  • Окъуу – билимни ачхычы, окъуу – дунияны бачхычы.
  • Къарнынг ауруса, ауузунгу тый
  • Тюз сёз баргъан сууну тыяр.
  • Алма терегинден кери кетмез.
  • Кийимни бичсенг, кенг бич, тар этген къыйын тюлдю.
  • Ётген ёмюр – акъгъан суу.
  • Агъач – джерни чырайы, кийим – эрни чырайы.
  • Тенгни тенглиги джашай барсанг билинир.
  • Накъырда – кертини келечиси.
  • Окъугъан озар, окъумагъан тозар.
  • Ариу – кёзге, акъыл – джюрекге.
  • Байны оноуу, джарлыгъа джарамаз.
  • Ёмюрлюк шохлукъну джел элтмез.
  • Бойнуму джети джерден кессенг да, мен ол ишни этеллик тюлме.
  • Сабыр джетер муратха, сабырсыз къалыр уятха.
  • Акъыллы айтыр эди, акъылсыз къоймайды.
  • Къонакъ хазыр болгъанлыкъгъа, къонакъбай хазыр тюлдю.
  • Ат басханны джер билед.
  • Джаханимни кёрмей, джандетге кёл салмазса.
  • Джюз элде джюз ёгюзюм болгъандан эсе, джюз джууугъум болсун.
  • Сангырау къулакъ эл бузар.
  • Адамны аты башхача, акъылы да башхады.
  • Эрине къаргъыш этген къатын, эрнин къабар.
  • Ата – баланы уясы.
  • Ашхы сёз таш тешер.
  • Хар зат кесини орнуна иги.
  • Уллу сёзде уят джокъ.
  • Айран тёгюлсе, джугъусу къалыр.
  • Къызны минг тилер, бир алыр.
  • Хар ишни да аллы къыйынды.
  • Чоюнну башы ачыкъ болса, итге уят керекди.
  • Халкъны джырын джырласанг, халкъ санга эжиу этер.
  • Хазыр ашха – терен къашыкъ.
  • Азыкъ аз болса, эртде орун сал.
  • Керти сёзге тёре джокъ.
  • Бетинги сатма, малынгы сат.
  • Къыз келсе, джумуш эте келеди, къатын келсе, ушакъ эте келеди.
  • Билеги кючлю, бирни джыгъар, билими кючлю, мингни джыгъар.
  • Этни бети бла шорпасы.
  • Ашаса, ашамаса да, бёрюню ауузу – къан.
  • Мал кёб болса, джууукъ кёб болур.
  • Иги джашны ышаны – аз сёлешиб, кёб тынгылар.

 

Страницы: 1
RSS
АДАМЛЫКЪДАН КЪЫЯУ ЭТГЕН ЗАТЛА
 
"Къарачайда къайсы таугъа да тий, барысы да бий",-деб бир эски сез барды да, аллайын, къарачайда бир башхасыны фахмусуна, джетишимлерине, онгуна зарлыкъ этерге сюйгенле, ишине, джашауна, башарысына тыйгъыч салыучула чыгъыучандыла. Хар ким кесин эм аламат билгенинденми болур, ким билир!.. Тюзюн айтсакъ, аллай юлгюле кетген заманлада кеб болгъанды. Ат, тукъум айтыб, былайда бирлени уялтыргъа керек джокъду, алай джашанган затладан дерс алыб, къарачай халкъ кесини белгили адамларына сый бериб, керекли джерде тутаргъа юренмесе, билим, адамлыкъ, халкъ сюймеклиги керек джерледе, ишини тутар, сезюню керегича ангылатыр уллусу, адамы болмай къаллыкъды. Бир нарт сезде, "Илячин урулса, гугурук джырчы болур",- дейди. Къарачай да, озгъан заманлада "гугуруклагъа" къала къала тургъанды. Мындан ары, аллах айтса, джангы телю бу джангылычланы къайтармаз. [b:a2f188705b]Аманланы ичинде иги болгъандан эсе, игилени ичинде тенг болгъан игиди. [/b:a2f188705b] Сизни джашаугъузда аллай затла болдуламы? Бу тема бизни джашаубузда болгъан татыусузлукъланы сюзерге джарар деб ачдым. Къошулгъанга къошулмагъанга да салам болсун![i:a2f188705b][/i:a2f188705b]
 
къарачай ишге, акъылгъа, терге сый берирге юренналлыкъ болмаз. хар адамда кесин пелиуаннга санаб айлар=ныргъа излейди. а джашау сындырсауа башхаланы терсге санаб турады
 
Цитата
къарачай ишге, акъылгъа, терге сый берирге юренналлыкъ болмаз. хар адамда кесин пелиуаннга санаб айлар=ныргъа излейди. а джашау сындырсауа башхаланы терсге санаб турады
************************************************ ГАРДТ-ХАН: Чуутлуладан юлгю алыргъа керекди. Не фахму, не акъыл, не болум, не тарих, не сыфат-чырай бла къарачайлыны къатына туралмаз халкъды, алай бир-бирин тутханы бла, дунияны къалайында болса да, кесиникин атмагъаны бла, къаллай онг алыб, дуниягъа къалай сёз ётдюрюб турады. Хунланы, алан-сарматланы къатышхан культурасын джашатхан, алкъын адети-тёреси ёлмеген Къарачай, бу бир-бирин сюймеген ауруундан къутулмаса, тас болуб кетерикди. Дуния алгъын заманладача тюлдю. Адам улу кёбейгенди, аны бла бирге да, кючлю орунлуду - деген оюм ортагъа чыкъгъанды. Кюч а- бир иннетли, бир-бирине аркъа-сырт болуудады. [b:86b098c6c5]Биз джарлыла уа муну эталмайбыз, ЁРГЕ ЧЫКЪГЪАНЫБЫЗНЫ ЭНДИРИРГЕ КЮРЕШГЕН БОЛМАСА, АНЫ АЛАЙДА ТУТАЙЫМ, МАНГА ДА ХАЛКЪЫМА ДА СЫЙДЫ-дей билмейбиз.[/b:86b098c6c5] Тыш къарачайлыланы форумунда бир аламат айтыу окъудум: [b:86b098c6c5]БИЗНИ ЭМ АМАНЫБЫЗ БАШХАЛАНЫ ЭМ ИГИСИНДЕН ИГИДИ"[/b:86b098c6c5],-деб. Бек джаратдым. Къарачайлыла да джаратырла дейме.[b:86b098c6c5] Келигиз бир-бирибизге бу иги айтыудача къараргъа юренейик. [/b:86b098c6c5] Алдаукъчулагъа, тукъум бла джыйылыб джалгъан шагъатлыкъ этгенлеге, кеси халкъыны адамына залимлик этгенлеге, кеси къызларыны намысы бла ойнагъанлагъа, ичиб, уюштуруучу дарманга баш салыб, аман селешиб, сыйсыз иш этиб халкъны сындыргъанлагъа, ачхагъа сый бериб билимни артха тюртгенлеге, хар джерде, хар тюбеген айыб этсе, бу къара зарлыкъдан, бу юренгич болгъан аман халларыбыздан къутулурбуз деб тюшюнеме. Хоншу халкъыбызны, о къадар ётюрюк айтханы бла да, дуниягъа атын эштдириб, болмагъан халкъын 10 мил. этиб, дунияны сёзюне тынгылатыб башлагъаны, [b:86b098c6c5]ма ол бизни эталмагъаныбыз,[/b:86b098c6c5] бир-бирине билек бола билгенинден болуб барады. Къарачай уллу хун-тюрк, алан-сармат, скиф халкъларыны бир уругъуду. Башха халкъла болмагъан джуукълукъла джаратыргъа кюрешедиле, биз а керти эт-дженг къарнашларыбыз бла, ортакъ бир оюм этиб, джашауубузгъа бир тюз джорукъ чизалмайбыз. Бу форумда акъыллы джашлагъа тюбедим. Эскидеги къыяула келир заманда болмаз деб ышанырчады.
 
[b:8502b4b4e8]fay[/b:8502b4b4e8], бир бирин тутхандан тюлдю. мен бек кеб къарачайлылагъа болушханма, мадарыма кере. энди болушмайма - нек десенг? ол мен болушханла, менге ызыма келиб зорлукъ, артыкълыкъ салыргъа излейдиле кебюсюне. джангыз бир затны унутадыла - болуша, келтюре билген адам, сындыра тюшере да биледи. бизни миллетни эм аман халиси - башчыгъа бойсуна билмегениди. акъыллыгъа, билимлиге тынглай билмейди миллет эм джангызла. энтда бир сез - бизни адетлерибиз бизге болушаллыкъдыла, алай а къарачайны адетлери бла ислам динни (араб миллетни) адетлерин бири бирине къатыштырмасакъ.
Цитата
тукъум бла джыйылыб джалгъан шагъатлыкъ этгенлеге
бу сезюнгю бир англат
 
бир бирин тутхандан тюлдю. мен бек кеб къарачайлылагъа болушханма, мадарыма кере. энди болушмайма - нек десенг? ол мен болушханла, менге ызыма келиб зорлукъ, артыкълыкъ салыргъа излейдиле кебюсюне. джангыз бир затны унутадыла - болуша, келтюре билген адам, сындыра тюшере да биледи. бизни миллетни эм аман халиси - башчыгъа бойсуна билмегениди. акъыллыгъа, билимлиге тынглай билмейди миллет эм джангызла. энтда бир сез - бизни адетлерибиз бизге болушаллыкъдыла, алай а къарачайны адетлери бла ислам динни (араб миллетни) адетлерин бири бирине къатыштырмасакъ.
 
бир джукъда ангыламадым!
 
Цитата
бир джукъда ангыламадым!
Бирликде-тирлик, ансы чуутла хорлайдыла дейди :smt001
Страницы: 1
Читают тему (гостей: 1)

 

Написать нам