- Окъумагъан сокъурду, сокъур ташха абыныр!
- Джыгъылгъанны сырты джерден тоймаз.
- Ханнга да келеди хариблик.
- Суу ичген шауданынга тюкюрме.
- Берекет берсин деген джерде, берекет болур.
- Баргъанынга кёре болур келгенинг.
- Баш болса, бёрк табылыр.
- Уллу сёзде уят джокъ.
- Айранны сюйген, ийнек тутар.
- Къарнынг ауруса, ауузунгу тый
- Эски джаугъа ышанма.
- Эри аманны, къатыны – аман.
- Ана къолу ачытмаз.
- Ишни аллы бла къууанма да, арты бла къууан.
- Ата джурт – алтын бешик.
- Адам сёзге тынгыла, акъыл сёзню ангыла.
- Чарсда алчыны эл кёреди.
- Туз, гырджын аша, тюзлюк бла джаша.
- Къая джолда джортма, ачыкъ сёзден къоркъма.
- Кёлю джокъну – джолу джокъ.
- Хаухну атма, ёнгкючню сатма.
- Биреуню тёрюнден, кесинги эшик артынг игиди.
- Тыш элде солтан болгъандан эсе, кесинги элде олтан болгъан игиди!
- Хар зат кесини орнуна иги.
- Окъугъанны бети джарыкъ.
- Бал – татлы, балдан да бала – татлы.
- Ашда уялгъан – мухар, ишде уялгъан – хомух.
- Ашхы болсанг, атынг чыгъар, аман болсанг, джанынг чыгъар.
- Биреу ашаб къутулур, биреу джалаб тутулур.
- Нарт сёз къарт болмаз.
- Сютню башын джалагъан къутулур, тюбюн ичген тутулур.
- Билимсиз иш бармаз.
- Къыйынлы джети элге оноу этер.
- Гитче джилтин уллу элни джандырыр.
- Ана кёлю – балада, бала кёлю – талада.
- Джашынгы кесинг юретмесенг, джашау юретир.
- Кютгени беш эчки, сызгъыргъаны уа, джерни джарады.
- Чыкълы кюнде чыкъмагъан, чыкъса къуру кирмеген.
- Тенгинг джокъ эсе – изле, бар эсе – сакъла!
- Бастасын ашагъан, хантусун да ичер.
- Акъыл бла адеб эгизледиле.
- Арпа, будай – ащды, алтын, кюмюш а – ташды.
- Гугук кесини атын айтыб къычыргъанча, мен, мен деб нек тураса?
- Адамны сабийин сюйген джюреги, бычакъча, джитиди.
- Къонакъ болсанг, ийнакъ бол.
- Бюгюн дуния кибик, тамбла ахыратды.
- Шайтан алдады, тюзлюк къаргъады.
- Чыбыкълыкъда бюгюлмеген, къазыкълыкъда бюгюлмей эди.
- Таукелге нюр джауар.
- Джарашыу сюйген – джалынчакъ.
АДАМЛЫКЪДАН КЪЫЯУ ЭТГЕН ЗАТЛА
06.04.2009 21:03:58
къарачай ишге, акъылгъа, терге сый берирге юренналлыкъ болмаз.
хар адамда кесин пелиуаннга санаб айлар=ныргъа излейди. а джашау сындырсауа башхаланы терсге санаб турады
|
|
|
|
09.04.2009 04:52:04
[b:8502b4b4e8]fay[/b:8502b4b4e8], бир бирин тутхандан тюлдю. мен бек кеб къарачайлылагъа болушханма, мадарыма кере. энди болушмайма - нек десенг?
ол мен болушханла, менге ызыма келиб зорлукъ, артыкълыкъ салыргъа излейдиле кебюсюне. джангыз бир затны унутадыла - болуша, келтюре билген адам, сындыра тюшере да биледи.
бизни миллетни эм аман халиси - башчыгъа бойсуна билмегениди. акъыллыгъа, билимлиге тынглай билмейди миллет эм джангызла.
энтда бир сез - бизни адетлерибиз бизге болушаллыкъдыла, алай а къарачайны адетлери бла ислам динни (араб миллетни) адетлерин бири бирине къатыштырмасакъ.
|
|||
|
|
09.04.2009 14:15:34
бир бирин тутхандан тюлдю. мен бек кеб къарачайлылагъа болушханма, мадарыма кере. энди болушмайма - нек десенг?
ол мен болушханла, менге ызыма келиб зорлукъ, артыкълыкъ салыргъа излейдиле кебюсюне. джангыз бир затны унутадыла - болуша, келтюре билген адам, сындыра тюшере да биледи.
бизни миллетни эм аман халиси - башчыгъа бойсуна билмегениди. акъыллыгъа, билимлиге тынглай билмейди миллет эм джангызла.
энтда бир сез - бизни адетлерибиз бизге болушаллыкъдыла, алай а къарачайны адетлери бла ислам динни (араб миллетни) адетлерин бири бирине къатыштырмасакъ.
|
|
|
|
08.11.2009 22:16:29
бир джукъда ангыламадым!
|
|
|
|
14.11.2009 20:43:18
|
||||
|
|
|||
Читают тему (гостей: 1)