Войти на сайт
12 Августа  2022 года

 

  • Мени джылытмагъан кюн, меннге тиймесин!
  • Джан саулукъ бермей, сан саулукъ бермезсе.
  • Джарлы эскисин джамаса, къууаныр.
  • Уллу сёзде уят джокъ.
  • Билими азны – ауузунда кирит.
  • Хар зат кесини орнуна иги.
  • Джолунга кёре – джюрюшюнг, джагъанга кёре – юлюшюнг.
  • Кечеси – аяз, кюню – къыш, джарлы къаргъагъа бир аш тюш!
  • Юй ишлеген балта эшикде къалыр.
  • Сабий болмагъан джерде, мёлек болмаз.
  • Малны кют, джерни тюрт.
  • Гитче джилтин уллу элни джандырыр.
  • Чомарт бергенин айтмаз.
  • Таш ата билмеген, башына урур.
  • Акъыл къартда, джашда тюйюлдю – башдады.
  • Эли джокъну – кёлю джокъ.
  • Кёл ашады да, кеси ашады.
  • Тынгылагъан тынгы бузар.
  • Ач да бол, токъ да бол – намысынга бек бол.
  • Суугъа – чабакъ, къаягъа – ыргъакъ.
  • Тешигини къатында, чычхан да батыр болур.
  • Миллетни бойну – базыкъ, аны бла кюрешген – джазыкъ.
  • Аман адам этегингден тутса, кес да къач.
  • Бичгенде ашыкъма, тикгенде ашыкъ.
  • Эркишиге тары кебек танг кёрюнюр.
  • Бёрю да ач къалмасын, эчки да ашалмасын.
  • Харам къарнашдан, халал тенг ашхы.
  • Къууут – джелге, берне – бошха.
  • Бал ашаргъа сюе эсенг, чибин ургъаннга тёз.
  • Тюзлюк тас болмайды.
  • Атлыны ашхысы, ат тизгининден билинир
  • Аман адамны тепсинге олтуртсанг, къызынгы тилер.
  • Акъыллы айтыр эди, акъылсыз къоймайды.
  • Джумушакъ терекни къурт ашар.
  • Джашны джигитлиги сорулур, къызны джигерлиги сорулур.
  • Хантына кёре тузу, юйюне кёре къызы.
  • Сёз садакъдан кючлюдю.
  • Керек ташны ауурлугъу джокъ.
  • Байлыкъ адамны сокъур этер.
  • Тёгюлген тюгел джыйылмайды.
  • Башы ишлегенни, ауузу да ишлер.
  • Ёлген эшек бёрюден къоркъмайды.
  • Оюмсуз атлагъан, аджалсыз ёлюр.
  • Элни кючю – эмеген.
  • Адебни адебсизден юрен.
  • Эм ашхы къайын ана мамукъ бла башынгы тешер.
  • Чомартха хар кюн да байрамды.
  • Ёпкелегенни ашы татлы болады.
  • Къыз тиширыу кеси юйюнде да къонакъды.
  • Суугъа – таянма, джаугъа – ийнанма.

 

Страницы: 1
RSS
АДАМЛЫКЪДАН КЪЫЯУ ЭТГЕН ЗАТЛА
 
"Къарачайда къайсы таугъа да тий, барысы да бий",-деб бир эски сез барды да, аллайын, къарачайда бир башхасыны фахмусуна, джетишимлерине, онгуна зарлыкъ этерге сюйгенле, ишине, джашауна, башарысына тыйгъыч салыучула чыгъыучандыла. Хар ким кесин эм аламат билгенинденми болур, ким билир!.. Тюзюн айтсакъ, аллай юлгюле кетген заманлада кеб болгъанды. Ат, тукъум айтыб, былайда бирлени уялтыргъа керек джокъду, алай джашанган затладан дерс алыб, къарачай халкъ кесини белгили адамларына сый бериб, керекли джерде тутаргъа юренмесе, билим, адамлыкъ, халкъ сюймеклиги керек джерледе, ишини тутар, сезюню керегича ангылатыр уллусу, адамы болмай къаллыкъды. Бир нарт сезде, "Илячин урулса, гугурук джырчы болур",- дейди. Къарачай да, озгъан заманлада "гугуруклагъа" къала къала тургъанды. Мындан ары, аллах айтса, джангы телю бу джангылычланы къайтармаз. [b:a2f188705b]Аманланы ичинде иги болгъандан эсе, игилени ичинде тенг болгъан игиди. [/b:a2f188705b] Сизни джашаугъузда аллай затла болдуламы? Бу тема бизни джашаубузда болгъан татыусузлукъланы сюзерге джарар деб ачдым. Къошулгъанга къошулмагъанга да салам болсун![i:a2f188705b][/i:a2f188705b]
 
къарачай ишге, акъылгъа, терге сый берирге юренналлыкъ болмаз. хар адамда кесин пелиуаннга санаб айлар=ныргъа излейди. а джашау сындырсауа башхаланы терсге санаб турады
 
Цитата
къарачай ишге, акъылгъа, терге сый берирге юренналлыкъ болмаз. хар адамда кесин пелиуаннга санаб айлар=ныргъа излейди. а джашау сындырсауа башхаланы терсге санаб турады
************************************************ ГАРДТ-ХАН: Чуутлуладан юлгю алыргъа керекди. Не фахму, не акъыл, не болум, не тарих, не сыфат-чырай бла къарачайлыны къатына туралмаз халкъды, алай бир-бирин тутханы бла, дунияны къалайында болса да, кесиникин атмагъаны бла, къаллай онг алыб, дуниягъа къалай сёз ётдюрюб турады. Хунланы, алан-сарматланы къатышхан культурасын джашатхан, алкъын адети-тёреси ёлмеген Къарачай, бу бир-бирин сюймеген ауруундан къутулмаса, тас болуб кетерикди. Дуния алгъын заманладача тюлдю. Адам улу кёбейгенди, аны бла бирге да, кючлю орунлуду - деген оюм ортагъа чыкъгъанды. Кюч а- бир иннетли, бир-бирине аркъа-сырт болуудады. [b:86b098c6c5]Биз джарлыла уа муну эталмайбыз, ЁРГЕ ЧЫКЪГЪАНЫБЫЗНЫ ЭНДИРИРГЕ КЮРЕШГЕН БОЛМАСА, АНЫ АЛАЙДА ТУТАЙЫМ, МАНГА ДА ХАЛКЪЫМА ДА СЫЙДЫ-дей билмейбиз.[/b:86b098c6c5] Тыш къарачайлыланы форумунда бир аламат айтыу окъудум: [b:86b098c6c5]БИЗНИ ЭМ АМАНЫБЫЗ БАШХАЛАНЫ ЭМ ИГИСИНДЕН ИГИДИ"[/b:86b098c6c5],-деб. Бек джаратдым. Къарачайлыла да джаратырла дейме.[b:86b098c6c5] Келигиз бир-бирибизге бу иги айтыудача къараргъа юренейик. [/b:86b098c6c5] Алдаукъчулагъа, тукъум бла джыйылыб джалгъан шагъатлыкъ этгенлеге, кеси халкъыны адамына залимлик этгенлеге, кеси къызларыны намысы бла ойнагъанлагъа, ичиб, уюштуруучу дарманга баш салыб, аман селешиб, сыйсыз иш этиб халкъны сындыргъанлагъа, ачхагъа сый бериб билимни артха тюртгенлеге, хар джерде, хар тюбеген айыб этсе, бу къара зарлыкъдан, бу юренгич болгъан аман халларыбыздан къутулурбуз деб тюшюнеме. Хоншу халкъыбызны, о къадар ётюрюк айтханы бла да, дуниягъа атын эштдириб, болмагъан халкъын 10 мил. этиб, дунияны сёзюне тынгылатыб башлагъаны, [b:86b098c6c5]ма ол бизни эталмагъаныбыз,[/b:86b098c6c5] бир-бирине билек бола билгенинден болуб барады. Къарачай уллу хун-тюрк, алан-сармат, скиф халкъларыны бир уругъуду. Башха халкъла болмагъан джуукълукъла джаратыргъа кюрешедиле, биз а керти эт-дженг къарнашларыбыз бла, ортакъ бир оюм этиб, джашауубузгъа бир тюз джорукъ чизалмайбыз. Бу форумда акъыллы джашлагъа тюбедим. Эскидеги къыяула келир заманда болмаз деб ышанырчады.
 
[b:8502b4b4e8]fay[/b:8502b4b4e8], бир бирин тутхандан тюлдю. мен бек кеб къарачайлылагъа болушханма, мадарыма кере. энди болушмайма - нек десенг? ол мен болушханла, менге ызыма келиб зорлукъ, артыкълыкъ салыргъа излейдиле кебюсюне. джангыз бир затны унутадыла - болуша, келтюре билген адам, сындыра тюшере да биледи. бизни миллетни эм аман халиси - башчыгъа бойсуна билмегениди. акъыллыгъа, билимлиге тынглай билмейди миллет эм джангызла. энтда бир сез - бизни адетлерибиз бизге болушаллыкъдыла, алай а къарачайны адетлери бла ислам динни (араб миллетни) адетлерин бири бирине къатыштырмасакъ.
Цитата
тукъум бла джыйылыб джалгъан шагъатлыкъ этгенлеге
бу сезюнгю бир англат
 
бир бирин тутхандан тюлдю. мен бек кеб къарачайлылагъа болушханма, мадарыма кере. энди болушмайма - нек десенг? ол мен болушханла, менге ызыма келиб зорлукъ, артыкълыкъ салыргъа излейдиле кебюсюне. джангыз бир затны унутадыла - болуша, келтюре билген адам, сындыра тюшере да биледи. бизни миллетни эм аман халиси - башчыгъа бойсуна билмегениди. акъыллыгъа, билимлиге тынглай билмейди миллет эм джангызла. энтда бир сез - бизни адетлерибиз бизге болушаллыкъдыла, алай а къарачайны адетлери бла ислам динни (араб миллетни) адетлерин бири бирине къатыштырмасакъ.
 
бир джукъда ангыламадым!
 
Цитата
бир джукъда ангыламадым!
Бирликде-тирлик, ансы чуутла хорлайдыла дейди :smt001
Страницы: 1
Читают тему (гостей: 1)

 

Написать нам