- Сабийликде юретмесенг, уллу болса – тюзелмез.
- Аджашхан тёгерек айланыр.
- Адебсиз адам – джюгенсиз ат.
- Байлыкъдан саулукъ ашхыды.
- Хар сёзню орну барды.
- Тёгюлген тюгел джыйылмайды.
- Элиб деген, элге болушур.
- Ариу сёз аурууунгу алыр.
- Ач – эснер, ат – кишнер.
- Ашыкъгъан cуу, тенгизге джетмез.
- Хансыз джомакъ болмаз.
- Болджал ишни бёрю ашар.
- Гитче джилтин уллу элни джандырыр.
- Айныгъанлы алты кюн, тогъайгъанлы тогъуз кюн.
- Ата Джуртун танымагъан, атасын да танымаз.
- Кийимни бичсенг, кенг бич, тар этген къыйын тюлдю.
- Рысхы – сют юсюнде кёмюк кибикди.
- Итли къонакъ джарашмаз.
- Хаухну атма, ёнгкючню сатма.
- Таугъа чыгъаллыкъ эсенг, тюзде къалма.
- Хунаны тюбюн къазсанг, юсюнге ауар.
- Ишни аллы бла къууанма да, арты бла къууан.
- Ёгюзню мюйюзюнден тутадыла, адамны сёзюнден тутадыла.
- Ач бёрюге мекям джокъ.
- Аман эсирсе, юйюн ояр.
- Кесине гебен этелмеген, биреуге черен эте эди.
- Суу да къайтады чыкъгъан джерине.
- Ашхы тенг джолгъа салыр, аман тенг джолдан тайдырыр.
- Ханы къызы буюгъа-буюгъа киштик болду.
- Къралынгы – душмандан, башынгы от бла суудан сакъла.
- Къартны сыйын кёрмеген, къартлыгъында сыйлы болмаз.
- Тешигини къатында, чычхан да батыр болур.
- Урунуу – насыбны анасы.
- Адамны сыфатына къарама, сёзюне къара.
- Баргъанынга кёре болур келгенинг.
- Къонагъынгы артмагъын алма да, алгъышын ал.
- Ач, тоймам, дейди, тойгъан, ач болмам, дейди.
- Таукел адам тау тешер.
- Бек ашыкъгъан меннге джетсин, дегенди аракъы.
- Бети – къучакълар, джюреги – бычакълар.
- Ёлюк кебинсиз къалмаз.
- Арбаз къынгырды да, ийнек сауалмайма.
- Аман адам элни бир-бирине джау этер.
- Аман адам этегингден тутса, кес да къач.
- Тил – миллетни джаны.
- Ёгюзню мюйюзлери ауурлукъ этмейдиле.
- Къызбайны юйюне дери сюрсенг, батыр болур.
- Ётюрюкню къуйругъу – бир тутум.
- Рысхысына кёре, джаш ёсер, къышлыгъына кёре, мал ёсер.
- Акъыллы башны – тили къысха.
АДАМЛЫКЪДАН КЪЫЯУ ЭТГЕН ЗАТЛА
06.04.2009 21:03:58
къарачай ишге, акъылгъа, терге сый берирге юренналлыкъ болмаз.
хар адамда кесин пелиуаннга санаб айлар=ныргъа излейди. а джашау сындырсауа башхаланы терсге санаб турады
|
|
|
|
09.04.2009 04:52:04
[b:8502b4b4e8]fay[/b:8502b4b4e8], бир бирин тутхандан тюлдю. мен бек кеб къарачайлылагъа болушханма, мадарыма кере. энди болушмайма - нек десенг?
ол мен болушханла, менге ызыма келиб зорлукъ, артыкълыкъ салыргъа излейдиле кебюсюне. джангыз бир затны унутадыла - болуша, келтюре билген адам, сындыра тюшере да биледи.
бизни миллетни эм аман халиси - башчыгъа бойсуна билмегениди. акъыллыгъа, билимлиге тынглай билмейди миллет эм джангызла.
энтда бир сез - бизни адетлерибиз бизге болушаллыкъдыла, алай а къарачайны адетлери бла ислам динни (араб миллетни) адетлерин бири бирине къатыштырмасакъ.
|
|||
|
|
09.04.2009 14:15:34
бир бирин тутхандан тюлдю. мен бек кеб къарачайлылагъа болушханма, мадарыма кере. энди болушмайма - нек десенг?
ол мен болушханла, менге ызыма келиб зорлукъ, артыкълыкъ салыргъа излейдиле кебюсюне. джангыз бир затны унутадыла - болуша, келтюре билген адам, сындыра тюшере да биледи.
бизни миллетни эм аман халиси - башчыгъа бойсуна билмегениди. акъыллыгъа, билимлиге тынглай билмейди миллет эм джангызла.
энтда бир сез - бизни адетлерибиз бизге болушаллыкъдыла, алай а къарачайны адетлери бла ислам динни (араб миллетни) адетлерин бири бирине къатыштырмасакъ.
|
|
|
|
08.11.2009 22:16:29
бир джукъда ангыламадым!
|
|
|
|
14.11.2009 20:43:18
|
||||
|
|
|||
Читают тему (гостей: 1)