Акъыл аздырмаз, билим тоздурмаз.
Къолунгдан къуймакъ ашатсанг да, атаны борчундан къутулмазса.
Къралынгы – душмандан, башынгы от бла суудан сакъла.
Къоркъакъны кёзю экили кёрюр.
Ётюрюк хапар аякъ тюбю бла джюрюйдю.
Хар адамгъа кеси миннген тау кибик.
Джан саулукъ бермей, сан саулукъ бермезсе.
Тенгинг джокъ эсе – изле, бар эсе – сакъла!
Окъугъанны бети джарыкъ.
Эл ауузу – элия.
Ана къойну – балагъа джандет.
Эринчекге кюн узун.
Этни да ашады, бетни да ашады.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Къуллукъчума, деб махтанма, къуллукъ – хаух джамчыды!
Тюзню ётмеги тюзде къалса да, тас болмаз.
Къууут – джелге, берне – бошха.
Джашда акъыл джокъ, къартда къарыу джокъ.
Атлыны кёрсе, джаяуну буту талыр.
Ариу сёз аурууунгу алыр.
Джауумдан сора, кюн кюйдюрюр, ётюрюкден сора, айыб кюйдюрюр.
Итли къонакъ джарашмаз.
Алим болгъандан эсе, адам болгъан къыйынды.
Джети тилни билген джети кишиди.
Ашхы атаны – джашы ашхы, ашхы ананы – къызы ашхы.
Ач отунчуну ачыуу – бурнунда.
Джырчы ёлсе, джыры къалыр.
Къарын къуру болса, джюрек уру болур.
Къалгъан ишге къар джауар.
Тилчи тилден къаныкъмаз.
Ёлюр джаннга, ёкюл джокъ.
Иги болса, тамадама – махтау, аман болса, меннге – айыб.
Кёпюр салгъан кеси ётер, уру къазгъан кеси кетер.
Чомартха хар кюн да байрамды.
Тешигини къатында, чычхан да батыр болур.
Айтханы чапыракъдан ётмеген.
Кюлме джашха – келир башха.
Юй ишлеген балта эшикде къалыр.
Адеб этмеген, адеб кёрмез.
Сескекли кесин билдирир.
Мухарны эси – ашарыкъда.
Уллу айтханны этмеген – уллаймаз.
Эрине къаргъыш этген къатын, эрнин къабар.
Эллинг бла джау болсанг да, юйюнг бла джау болма.
Байлыкъ адамны сокъур этер.
Миллетни бойну – базыкъ, аны бла кюрешген – джазыкъ.
Къонакъ аман болса, къонакъбай джунчур
Башланнган иш битер, къымылдагъан тиш тюшер.
Джетген къыз джерли эшекни танымаз.
Къанны къан бла джуума, аманны аман бла къуума.
