Намыс сатылыб алынмайды.
Атадан ёксюз – бир ёксюз, анадан ёксюз – эки ёксюз.
Адамны джюреги нени кёрюрге сюйсе, кёзю да аны кёрюрге ёч болады.
Экиндини кеч къылсанг, чабыб джетер ашхам.
Къарны аманнга къазан такъдырма, къолу аманнга от джакъдырма.
Джарлы тюеге минсе да, ит къабар.
Джангыз терек къынгыр ёсер.
Танг атмайма десе да, кюн къоярыкъ тюйюлдю.
Акъыллы – эл иеси, тели – эл баласы.
Чомартха хар кюн да байрамды.
Айран тёгюлсе, джугъусу къалыр.
Итли къонакъ джарашмаз.
Ёксюзню тилеги къабыл болур.
Эл бла кёргенинг эрелей.
Ачыкъ джюрекге джол – ачыкъ.
Айтылгъан сёз ызына къайтмаз.
Эм уллу байлыкъ – джан саулукъ.
Айтылгъан буйрукъ, сёгюлмез
Уясында не кёрсе, учханында аны этер.
Сёлеш деб шай берген, тохта деб, сом берген.
Джол бла сёзню къыйыры джокъ.
Адеб этмеген, адеб кёрмез.
Ашатыргъа иш – ашхы, ишлетирге аш – ашхы.
Чакъырылмай келген къонакъ сыйланмай кетер.
Акъыллы айтыр эди, акъылсыз къоймайды.
Байма, деб да, къууанма, джарлыма, деб да, джылама.
Билим насыб берир, билим джолну керир.
Акъдан къара болмаз.
Айыбны суу бла джууалмазса.
Эм ашхы къайын ана мамукъ бла башынгы тешер.
Хатерли къул болур.
Тёрдеги кюлсе, эшикдеги ышарыр.
Малны кют, джерни тюрт.
Джашынгы кесинг юретмесенг, джашау юретир.
Телини эшигин, махтау джабар.
Сангырау къулакъ эл бузар.
Игини сыйлагъан адетди.
Адам къыйынлыгъын кёлтюрюр, зауукълугъун кёлтюрмез.
Эте билген, этген этеди, эте билмеген, юретген этеди!
Ата джурт – алтын бешик.
Джюрекге ариу – кёзге да ариу.
Нарт сёз – тилни бети.
Хар адамгъа кеси миннген тау кибик.
Элни кючю – эмеген.
Иги – алгъыш этер, аман – къаргъыш этер.
Чыкълы кюнде чыкъмагъан, чыкъса къуру кирмеген.
Адамны бетине къарама, адетине къара.
Ашхы болсанг, атынг чыгъар, аман болсанг, джанынг чыгъар.
Болджал ишни бёрю ашар.
Тил бла келеди джыр да.
