Джолда аягъынга сакъ бол, ушакъда тилинге сакъ бол.
Къарны аманнга къазан такъдырма, къолу аманнга от джакъдырма.
Кюн кёрмеген, кюн кёрсе, кюндюз чыракъ джандырыр.
Мени джылытмагъан кюн, меннге тиймесин!
Ачлыкъда тары гырджын халыуадан татлы.
Сютден ауузу кюйген, суугъа юфгюре эди.
Ауузу бла къуш тута айланады.
Ауругъан – джашаудан умутчу.
Атынг аманнга чыкъгъандан эсе, джанынг тамагъынгдан чыкъсын.
Элни кючю – эмеген.
Ауругъаннга – кийик саулукъ, джетген къызгъа – чилле джаулукъ.
Джерни букъусу кёкге къонмаз.
Ана къолу ачытмаз.
Кийимни бир кюнню аясанг, минг кюннге джарар.
Эринчекни аурууу – кёб.
Ашарыкъда сайлагъаннга – чий гырджын.
Чакъырылмагъан къонакъ тёрге атламаз.
Ётюрюк хапар аякъ тюбю бла джюрюйдю.
Джол бла сёзню къыйыры джокъ.
Накъырданы арты керти болур.
Джюрекге ариу – кёзге да ариу.
Ашхы болсанг, атынг чыгъар, аман болсанг, джанынг чыгъар.
Тешигини къатында, чычхан да батыр болур.
Ойнай билмеген, оюн бузар.
Къатыны харакетли болса, эри къымсыз болур.
Эркишиге тары кебек танг кёрюнюр.
Къазанда болса, чолпугъа чыгъар.
Кёбден умут этиб, аздан къуру къалма.
Джарлыны тону джаз битер.
Къошда джокъгъа – юлюш джокъ.
Акъыл неден да кючлюдю.
Ауругъанны сау билмез, ач къарынны токъ билмез.
Миллетни бойну – базыкъ, аны бла кюрешген – джазыкъ.
Къатын байлыкъны сюер, эр саулукъну сюер.
Ашыкъгъанны этеги бутуна чырмалыр.
Тенгни тенглиги джашай барсанг билинир.
Хоншуну тауугъу къаз кёрюнюр, келини къыз кёрюнюр.
Таула не мийик болсала да, аууш табылыр.
Башда акъыл болмаса, эки аякъгъа кюч джетер.
Хар ишни да аллы къыйынды.
Эски джаугъа ышанма.
Уллу сёзде уят джокъ.
Эркишини аманы тиширыуну джылатыр.
Арбаз къынгырды да, ийнек сауалмайма.
Тиширыусуз юй – отсуз от джагъа.
Ариу – кёзге, акъыл – джюрекге.
Эшекге миннген – биринчи айыб, андан джыгъылгъан – экинчи айыб.
Ачылгъан эт джабылыр, кёрген кёз унутмаз.
Сормай – алма, чакъырылмай – барма.
Чоюнну башы ачыкъ болса, итге уят керекди.
