Тюкюрюк баш джармаз, налат кёз чыгъармаз!
Къайгъыны сюйген, къайгъы табар.
Телиге акъыл салгъандан эсе, ёлгеннге джан салырса.
Таш ата билмеген, башына урур.
Ариу – кёзге, акъыл – джюрекге.
Кюлме джашха – келир башха.
Ашда уялгъан – мухар, ишде уялгъан – хомух.
Къазанчы аман болса, къазаны къайнамаз.
Кёб джашагъан – кёб билир.
Суу да къайтады чыкъгъан джерине.
Бичгенде ашыкъма, тикгенде ашыкъ.
Ашыкъгъанны этеги бутуна чырмалыр.
Ауругъан – джашаудан умутчу.
Сабий кёргенин унутмаз.
Джаз бир кюнню джатсанг, къыш талай кюнню абынырса.
Бир абыннган – минг сюрюнюр.
Гитче джилтин уллу элни джандырыр.
Байлыкъ болгъан джерде, тынчлыкъ джокъду.
Адамны артындан къара сабан сюрме.
Аджашхан тёгерек айланыр.
Болджал ишни бёрю ашар.
Ач да бол, токъ да бол – намысынга бек бол.
Мени джылытмагъан кюн, меннге тиймесин!
Биреуню тёрюнден, кесинги эшик артынг игиди.
Ачыу алгъа келсе, акъыл артха къалады.
Мал кёб болса, джууукъ кёб болур.
Адамгъа аман кюн соруб келмейди.
Тилчи бир сагъатха айлыкъ хата этер.
Мухардан ач ычхынмаз.
Тешигини къатында, чычхан да батыр болур.
Дуния малгъа сатылма, кесингден телиге къатылма.
Юй ишлеген балта эшикде къалыр.
Чыкълы кюнде чыкъмагъан, чыкъса къуру кирмеген.
Джарашыу сюйген – джалынчакъ.
Онгсузну – джакъла, тенгликни – сакъла.
Чабакъсыз кёлге къармакъ салгъанлыкъгъа, чабакъ тутмазса.
Ашхы – джыяр, аман – джояр.
Ким бла джюрюсенг, аны кёзю бла кёрюнюрсе.
Айырылгъанланы айю ашар, бёлюннгенлени бёрю ашар.
Къолу уллу – асыу, аягъы уллу – джарсыу.
Ариуну – ауруу кёб.
Тойгъанлыкъ къойгъа джарашады.
Магъанасыз сёз – тауушсуз сыбызгъы.
Къуллукъчума, деб махтанма, къуллукъ – хаух джамчыды!
Урунуу – насыбны анасы.
Джогъун бар этген, барын бал этген.
Айтхан сёзюне табылгъан.
Къарнынг тойгъунчу аша да, белинг талгъынчы ишле.
Чомарт къонакъ юй иесин сыйлар.
Кенгеш болса, уруш болмаз.
