Ашын ашагъанынгы, башын да сыйла.
Ариу джол аджал келтирмез.
Билим къая тешер.
Ач отунчуну ачыуу – бурнунда.
Ашхы адам – халкъ байлыгъы, ашхы джер – джашау байлыгъы.
Ауурну тюбю бла, дженгилни башы бла джюрюген.
Айыбны суу бла джууалмазса.
Алтыннга тот къонмаз.
Хунаны тюбюн къазсанг, юсюнге ауар.
Термилгенинги табмазса, кюлгенинге тюберсе.
Сагъышы джокъ – джукъучу, акъылы джокъ – къаугъачы.
Акъыллы башны – тили къысха.
Ёгюзню мюйюзлери ауурлукъ этмейдиле.
Ашатыргъа иш – ашхы, ишлетирге аш – ашхы.
Рысхы джалгъанды: келген да этер, кетген да этер.
Танг атмайма десе да, кюн къоярыкъ тюйюлдю.
Адамны аты башхача, акъылы да башхады.
Акъыл къартда, джашда тюйюлдю – башдады.
Къазанда болса, чолпугъа чыгъар.
Малны кют, джерни тюрт.
Чабар ат – джетген къыз.
Аджашханны ызындагъы кёреди, джангылгъанны джанындагъы биледи.
Ёлюк кебинсиз къалмаз.
Башсыз урчукъ тюзюне айланмаз.
Баш болса, бёрк табылыр.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ётген ёмюр – акъгъан суу.
Аман адамны тепсинге олтуртсанг, къызынгы тилер.
Джырчы ёлсе, джыры къалыр.
Джумушакъ терекни къурт ашар.
Элни кючю – эмеген.
Бёрю да ач къалмасын, эчки да ашалмасын.
Аман къатын алгъан, арыр, иги къатын алгъан джарыр.
Аманны эки битли тону болур, бирин сеннге кийдирир, бирин кеси киер.
Джюз элде джюз ёгюзюм болгъандан эсе, джюз джууугъум болсун.
Гитче джилтин уллу элни джандырыр.
Ач – эснер, ат – кишнер.
Башы джабылгъан челекге, кир тюшмез.
Джылкъыдан – ат чыгъар, тукъумдан – джаш чыгъар.
Байны оноуу, джарлыгъа джарамаз.
Айраннга суу къош, телиге джол бош.
Юй ишлеген балта эшикде къалыр.
Шайтан алдады, тюзлюк къаргъады.
Аджал соруб келмез, келсе, къайтыб кетмез.
Эл элде бирер малынг болгъандан эсе, бирер тенгинг болсун.
Ёксюзню тилеги къабыл болур.
Эрине къаргъыш этген къатын, эрнин къабар.
Элге къуллукъ этмеген, элге ие болмаз.
Джангыз терек къынгыр ёсер.
Таукел къуру къалмаз.
