- Бюгюн дуния кибик, тамбла ахыратды.
- Биреуге кёлтюрген таягъынг, кесинги башынга урур.
- Ач отунчуну ачыуу – бурнунда.
- Эркишиге тары кебек танг кёрюнюр.
- Къызгъанчдан ычхыныр, мухардан ычхынмаз.
- Ариуну – ауруу кёб.
- Билимден уллу байлыкъ джокъду.
- Татлы сёз – балдан татлы.
- Кюлме джашха – келир башха.
- Окъуу – билимни ачхычы, окъуу – дунияны бачхычы.
- Биреуге аманлыкъны тилеме да, кесинге ашхылыкъны тиле.
- Уруну арты – къуру.
- Къонакъны къачан кетерин сорма, къачан келлигин сор.
- Къыз келсе, джумуш эте келеди, къатын келсе, ушакъ эте келеди.
- Халкъны юйю – туугъан джери.
- Адам боллукъ, атламындан белгили болур.
- Къарт бла баш аша, джаш бла аякъ аша.
- Джерни букъусу кёкге къонмаз.
- Иши джокъну, сыйы джокъ.
- Биреуге аманлыкъ этиб, кесинге игилик табмазса.
- Адамны джюреги нени кёрюрге сюйсе, кёзю да аны кёрюрге ёч болады.
- Джарлы джети элни сёзюн этер.
- Насыблы элин сюер, насыбсыз кесин сюер.
- Бети – къучакълар, джюреги – бычакълар.
- Тюкюрюк баш джармаз, налат кёз чыгъармаз!
- Тюзлюк тас болмайды.
- Къайгъыны сюйген, къайгъы табар.
- Адамгъа аман кюн соруб келмейди.
- Кюн кёрмеген, кюн кёрсе, кюндюз чыракъ джандырыр.
- Ётюрюкчюню шагъаты – къатында.
- Чомарт къолда мал къалмаз.
- Рысхы джалгъанды: келген да этер, кетген да этер.
- Ашына кёре табагъы, балына кёре къалагъы.
- «Ёгюз, джаргъа джууукъ барма, меннге джюк боллукъса», - дегенди эшек.
- Берекет берсин деген джерде, берекет болур.
- Эр сокъур болсун, къатын тилсиз болсун.
- Джылыгъа джылан илешир.
- Аман адам этегингден тутса, кес да къач.
- Уллу суу бла уллу ауруудан башынгы сакъла.
- Игини сыйлагъан адетди.
- Акъыл бла адеб эгизледиле.
- Ёзденликни кёбю ётюрюк.
- Ач къарным, тынч къулагъым.
- Таш ата билмеген, башына урур.
- Тура эдим джата, къайдан чыкъды хата?
- Хар адамгъа кеси миннген тау кибик.
- Абынмазлыкъ аякъ джокъ, джангылмазлыкъ джаякъ джокъ.
- Кёзден кетген, кёлден да кетеди.
- Джангызны оту джарыкъ джанмаз!
- Экеу тутушса, биреу джыгъылыр.
Ана тилим - жаным-тиним!
17.02.2011 16:58:31
мен уже во всю хазырлана турама!
|
|
|
|
17.02.2011 17:54:12
Менцик-победительЦикме....................менме эм акъыллыцыкъ
-менцикге |
|
|
|
17.02.2011 17:56:41
хасаньяны кьызы
хау-хау сенцикге |
|
|
|
27.02.2011 15:58:28
Къауумланы башчылары кеслерини командалары бла танышдырадыла...
"Эльбруоидни" къаууму, башчы - Кючмезланы Исмаил (Балто) |
|
|
|
27.02.2011 16:01:13
"Беш да тау элни къызлары" (Педколледжден)
Къауумну башчысы - Малкъондуланы Люба |
|
|
|
27.02.2011 16:03:49
Къабарты-Малкъар Къырал Университетден "Жанкъозчукъла"-деген атлы къауум
Къауумну башчысы - Ахкубекланы Кулина |
|
|
|
27.02.2011 16:09:37
|
|
|
|
27.02.2011 16:11:16
|
|
|
|
27.02.2011 16:14:55
Ана тилге аталгъан бизни белгили поэтлерибиз жазгъан назмуладан биршерин кёлден билип келирге юйге аллай иш берген эдик.
|
|
|
|
27.02.2011 16:24:00
Жюри белгили этген эди назмула айтып эришиуде кимге 1-чи, 2-чи, 3-чю жерле бергенлерин. Школдача 1-чи жерге - 5, экинчиге ? 4, 3 ? 3 балл!
|
|
|
|
27.02.2011 16:29:39
|
|
|
|
27.02.2011 16:30:07
|
|
|
|
27.02.2011 16:43:16
|
|
|
|
Читают тему (гостей: 1)