- Кёрмегеннге кебек – танг, битмегеннге сакъал – танг.
- Джыланны къуйругъундан басарынг келсе, аны башы болгъанын унутма.
- Ашыкъгъан cуу, тенгизге джетмез.
- Эрни эр этерик да, къара джер этерик да, тиширыуду.
- Тил джюрекге джол ишлейди.
- Къарны аманнга къазан такъдырма, къолу аманнга от джакъдырма.
- Дженгил джетерикме деб, узун джолну къоюб, къысхасын барма.
- Ёзденликни джайгъан – джокълукъ.
- Къонакъ аз олтурур, кёб сынар.
- Тели турса – той бузар.
- Олтуруб кёрюнмей эди да, ёрге туруб кёрюне эди.
- От этилмеген джерден тютюн чыкъмайды.
- Бек ашыкъгъан меннге джетсин, дегенди аракъы.
- Баш болса, бёрк табылыр.
- Кёзню ачылгъаны – иги, ауузну джабылгъаны – иги.
- Къарнынг тойгъунчу аша да, белинг талгъынчы ишле.
- Адамны аты башхача, акъылы да башхады.
- Джангыз терек къынгыр ёсер.
- Къолу уллу – асыу, аягъы уллу – джарсыу.
- Чёбню кёлтюрсенг, тюбюнден сёз чыгъар.
- Сёз садакъдан кючлюдю.
- Чыкълы кюнде чыкъмагъан, чыкъса къуру кирмеген.
- Къобан да къуру да къобханлай турмайды, адам да къуру да патчахлай турмайды.
- Тюкюрюк баш джармаз, налат кёз чыгъармаз!
- Аджашханны ызындагъы кёреди, джангылгъанны джанындагъы биледи.
- Орундукъ тюбюнде атылсам да, орта джиликме, де да айлан.
- Кийимни бичсенг, кенг бич, тар этген къыйын тюлдю.
- Юй ишлеген балта эшикде къалыр.
- Билеги кючлю, бирни джыгъар, билими кючлю, мингни джыгъар.
- Аз сёлешген, къайгъысыз турур.
- Тойгъан джерге джети къайт.
- Кёб джат да, бек чаб.
- Этек чакъмакълары баш джаргъан, сёлешген сёзлери таш джаргъан.
- Чабар ат – джетген къыз.
- Акъыллы – эл иеси, тели – эл баласы.
- Керилген да, ургъан кибикди.
- Бети – къучакълар, джюреги – бычакълар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Алим болгъандан эсе, адам болгъан къыйынды.
- Гыдай эчки суугъа къараб, мюйюзле кёрмесе, джашма алкъын, дегенди.
- Къарт болгъан джерде, берекет болур, сабий болгъан джерде, оюн болур.
- Джиби бир къат джетмей эди да, эки къат тарта эди.
- Къуллукъчума, деб махтанма, къуллукъ – хаух джамчыды!
- Атлыны кёрсе, джаяуну буту талыр.
- Байдан умут эте, джарлыдан ёгюз багъасы къорады.
- Игилик игилик бла сингдирилиучю затды.
- Ушамагъан – джукъмаз.
- Сабыр джетер муратха, сабырсыз къалыр уятха.
- Ишленмеген джаш – джюгенсиз ат, ишленмеген къыз – тузсуз хант.
Ана тилим - жаным-тиним!
17.02.2011 16:58:31
мен уже во всю хазырлана турама!
|
|
|
|
17.02.2011 17:54:12
Менцик-победительЦикме....................менме эм акъыллыцыкъ
-менцикге |
|
|
|
17.02.2011 17:56:41
хасаньяны кьызы
хау-хау сенцикге |
|
|
|
27.02.2011 15:58:28
Къауумланы башчылары кеслерини командалары бла танышдырадыла...
"Эльбруоидни" къаууму, башчы - Кючмезланы Исмаил (Балто) |
|
|
|
27.02.2011 16:01:13
"Беш да тау элни къызлары" (Педколледжден)
Къауумну башчысы - Малкъондуланы Люба |
|
|
|
27.02.2011 16:03:49
Къабарты-Малкъар Къырал Университетден "Жанкъозчукъла"-деген атлы къауум
Къауумну башчысы - Ахкубекланы Кулина |
|
|
|
27.02.2011 16:09:37
|
|
|
|
27.02.2011 16:11:16
|
|
|
|
27.02.2011 16:14:55
Ана тилге аталгъан бизни белгили поэтлерибиз жазгъан назмуладан биршерин кёлден билип келирге юйге аллай иш берген эдик.
|
|
|
|
27.02.2011 16:24:00
Жюри белгили этген эди назмула айтып эришиуде кимге 1-чи, 2-чи, 3-чю жерле бергенлерин. Школдача 1-чи жерге - 5, экинчиге ? 4, 3 ? 3 балл!
|
|
|
|
27.02.2011 16:29:39
|
|
|
|
27.02.2011 16:30:07
|
|
|
|
27.02.2011 16:43:16
|
|
|
|
Читают тему (гостей: 1)