Войти на сайт
20 Апреля 2024 года

 

  • Ашхы сёз таш тешер.
  • Окъуусуз билим – джокъ, билимсиз кюнюнг – джокъ.
  • Ёлген эшек бёрюден къоркъмайды.
  • Байлыкъдан саулукъ ашхыды.
  • Джаш къарыу бла кючлю, къарт акъыл бла кючлю.
  • Баргъанынга кёре болур келгенинг.
  • Берекет берсин деген джерде, берекет болур.
  • Билгенни къолу къарны джандырыр.
  • Ариу сёзде ауруу джокъ.
  • Тёрени джагъы джокъ.
  • Акъыл аздырмаз, билим тоздурмаз.
  • Сёз – кюмюш, джыр – алтын.
  • Тин – байлыгъынг, терен саулугъунг.
  • Терек ауса, отунчу – кёб.
  • Джюрекге ариу – кёзге да ариу.
  • Билим насыб берир, билим джолну керир.
  • Эшекге миннген – биринчи айыб, андан джыгъылгъан – экинчи айыб.
  • Кёбге таш атма.
  • Термилгенинги табмазса, кюлгенинге тюберсе.
  • Эки къатын алгъанны къулагъы тынгнгаймаз.
  • Кийимни бичсенг, кенг бич, тар этген къыйын тюлдю.
  • Тешик этген тынчды, аны джамагъан къыйынды.
  • Аман къатын алгъан, арыр, иги къатын алгъан джарыр.
  • Акъыллы – эл иеси, тели – эл баласы.
  • Итли къонакъ джарашмаз.
  • Ётген ёмюр – акъгъан суу.
  • Суу кетер, таш къалыр.
  • Азыкъ аз болса, эртде орун сал.
  • Джолунга кёре – джюрюшюнг, джагъанга кёре – юлюшюнг.
  • Таукел къуру къалмаз.
  • Уллу къазанда бишген эт, чий къалмаз.
  • Кёкдеги болмаса, джердегин кёрмейди.
  • Агъач халкъгъа алтынды, иссиликге салкъынды.
  • Джырына кёре эжиую.
  • Аман адам этегингден тутса, кес да къач.
  • Тыш элде солтан болгъандан эсе, кесинги элде олтан болгъан игиди!
  • Тилчи бир сагъатха айлыкъ хата этер.
  • Окъ къызбайны джокълайды.
  • Къонакъ хазыр болгъанлыкъгъа, къонакъбай хазыр тюлдю.
  • Эринчекге кюн узун.
  • Иги болса, тамадама – махтау, аман болса, меннге – айыб.
  • Ачыкъ джюрекге джол – ачыкъ.
  • Джангызны оту джарыкъ джанмаз!
  • Терслик кетер, тюзлюк джетер.
  • Джаз бир кюнню джатсанг, къыш талай кюнню абынырса.
  • Тойгъа барсанг, тоюб бар, эски тонунгу къоюб бар.
  • Ашыкъгъан cуу, тенгизге джетмез.
  • Кесинг сынамагъан затны, адамгъа буюрма.
  • Алтыда кюлмеген, алтмышда кюлмез.
  • Чабакъ башындан чирийди.

 

Архив Форума » Зеленый Форум [архив] » - ЗФ - Ана тилибизде
Страницы: 1 2 3 4 5 След.
RSS
Ана тилим - жаным-тиним!
 
#1
Джаратама0
17.02.2011 16:37:48
Энда бир билдириу
Жер башында эм иги байрамладан бири халкъла аралы кюн ? ана тилни кюню жууукълашып келгени бла байламлы ОЮН хазырлагъаныбызны билдириге сюебиз байрым айны (февраль) 22-чисинде сагъат ючде (15:00) (21-чисинде университетде тюбешиу боллукъду ол кюннге аталып... бизде уа миллет тепсеулени кюнюдю баш кюн... ма аны ючюн ол кюн этерге оноулашханбыз).

"Къаллай оюн?"- деп соргъанла да боллукъ болурла...
Юч команда хазырды: бири "Университет"-ники, бири "Пед.колледж"-ники, ючюнчюсю уа активден къуралгъан "Эльбрусоид"-ни командасы
 
 
 
#2
Джаратама0
17.02.2011 16:48:11
Оюнну къалай бардыдыргъа дейбиз... сизни да шагъырей этейим...

Биринчиден капитанла командала бла (командагъа ат эм да жорукъ (девиз) къурап, ариучукъ танышдырыргъа керекдиле

Назму айтып эришиу. Ол юй ишге берилгенди, алай аны бла къалып къалмай, биз жырладан назмуланы кесип бёлгенбиз, командала аланы жыяргъа керекдиле... жюри къаты болса ол импровизация дегенча... шатык окъургъа керекдиле ол жыыйгъан назмуларындан да бирин...

"Эм акъыллы"- соруула ? жууапла (слайд-конкурс)

"Макъамланы таны" ("Угадай мелодию" оюннга кёре бизни миллет макъмларыбызны таныргъа)

"Ким ариу жырлар?" - караоке дискинден жыр жырларгъа.

"Акъылтокъмакъла" - соруула ? жууапла (слайд-конкурс)

Командала жыйып оюнаргъа, къараргъа сюйгенле ? хош келигиз!
Ариу, сейир тилибизде назму, жыр эришиуле къурай, соруулагъа жууап эте, аламат, тауушлукъ, айбат тилибизни байрамын бардырлыкъбыз!
 
 
 
#3
Джаратама0
17.02.2011 16:52:21
Унутуп къойдум... энтда бир юй иш бергенбиз (творческий конкурс) - ана тилибизде "Эльбрусоид" фондубузгъа атап назму, жыр, эсден жазма, къара сёз бла жазылгъан хапар болса да къурап алайда жыйылгъанлагъа ариучукъ окъургъа
 
 
 
#4
Джаратама0
17.02.2011 16:58:31
мен уже во всю хазырлана турама!
 
 
 
#5
Джаратама0
17.02.2011 17:54:12
Менцик-победительЦикме....................менме эм акъыллыцыкъ
-менцикге
 
 
 
#6
Джаратама0
17.02.2011 17:56:41
хасаньяны кьызы
хау-хау сенцикге
 
 
 
#7
Джаратама0
27.02.2011 15:55:41
Башында билдиргенибизча 22-чи февральда биз жер башында эм иги байрамладан бири халкъла аралы кюн ? ана тилни кюнюн байрамларгъа жыйылгъан эдик.
Назму, жыр эришиуле къурай, соруулагъа жууап эте оюн халда бардыргъанбыз ол кюнню. Бек башында уа бизни сыйлы жюри бла танышдырайым (солдан онга):
Наршауланы Мадина - КъМ радиону малкъар тилде бериулерини редактору.
Мусукаланы Сакинат ? белгили поэт, "Нюр" журналы баш редактору
Кетенчиланы Мусса ? Малкъар кафедраны таматасы.

 
 
 
#8
Джаратама0
27.02.2011 15:58:28
Къауумланы башчылары кеслерини командалары бла танышдырадыла...



"Эльбруоидни" къаууму, башчы - Кючмезланы Исмаил (Балто)
 
 
 
#9
Джаратама0
27.02.2011 16:01:13
"Беш да тау элни къызлары" (Педколледжден)



Къауумну башчысы - Малкъондуланы Люба

 
 
 
#10
Джаратама0
27.02.2011 16:03:49
Къабарты-Малкъар Къырал Университетден "Жанкъозчукъла"-деген атлы къауум



Къауумну башчысы - Ахкубекланы Кулина

 
 
 
#11
Джаратама0
27.02.2011 16:08:58


Бу мажал, ариу къыз а бизни активисткабыз, малкъар тилни бёлюмюнде магистратурада окъуй турады, Айдарланы Марианна жюриге санаргъа болушханды... кёп оюн къурагъаныбыз себепли ажашмай къалыр мадар жокъ эди...
 
 
 
#12
Джаратама0
27.02.2011 16:09:37
 
 
 
#13
Джаратама0
27.02.2011 16:11:16
 
 
 
#14
Джаратама0
27.02.2011 16:14:55
Ана тилге аталгъан бизни белгили поэтлерибиз жазгъан назмуладан биршерин кёлден билип келирге юйге аллай иш берген эдик.

 
 
 
#15
Джаратама0
27.02.2011 16:16:12
- О, манга былай татлы некди тилибиз?
Бек алгъа анамдан эшитгеним себепли.
Манга былай нек багъалыды тилибиз?
Анам башха тил билмегени себепли.
Манга былай аламат некди тилибиз?
Ол анамы тили болгъаны себепли.
Къулийланы Къайсын.
 
 
 
#16
Джаратама0
27.02.2011 16:19:52
Ахкубекланы Кулина кеси къурагъан назмусун окъугъанды



МАЛКЪАР ТИЛИМ!

Малкъар тилим!
Деменгили нарт тилим.
Малкъар тилим!
Ана сют бла келген тилим.

Къушла малкъар тилде жырлайла,
Суула алагъа макъам къурайла
Тауларыбыз ехтемленип сюеледиле,
Малкъар тилге намыс берелле.

О, мени малкъар тилим!
Тауларымча бийик тилим
Сенсе жашаууму магъанасы
Ана тилни жокъду багъасы.

Тургъаны чакълы малкъар тилим
Таулу халкъым жашар
Малкъар халкъым жашаса уа,
Ана тилим жашнар.

Малкъар тилим-
Жашаууму баргъаны
Малкъар тилим
Жюрегими ургъаны.

Малкъар тилим-
Емюрлюк ехтемлигим
Малкъар тилим-
Чексиз санга сюймеклигим!!!
 
 
 
#17
Джаратама0
27.02.2011 16:23:00
"Эльбрусоид" къауумдан къарачайлы къызчыгъыбыз - Эркенланы Фарида назму окъуйду



Ана тил, сенсе ёмюрлюк,
Жашау, асыу да, къарыу да!
Кетген, келлик да биргенге.
О, жокъду сенден ариу да.
Ана тилимде айтханма
Анам деп биринчи кере.
Ана тилимде эшитдим
Бешик жырны да, бёлене.
 
 
 
#18
Джаратама0
27.02.2011 16:24:00
Жюри белгили этген эди назмула айтып эришиуде кимге 1-чи, 2-чи, 3-чю жерле бергенлерин. Школдача 1-чи жерге - 5, экинчиге ? 4, 3 ? 3 балл!
 
 
 
#19
Джаратама0
27.02.2011 16:28:49
Ызы бла Эм акъыллы деген оюнну бардыргъанбыз

Ол юч бёлюмден къуралгъан "Слайд"-оюнду
1) Бир къауум соруу къарачай-малкъар тилни, адетни, намысны юсюнден. Мен соруула бере эдим, оюннга къатышханла жууапларын къагъытха жазып хазырлай эдиле...



14 соруу, тюз жууапха бир балл....
 
 
 
#20
Джаратама0
27.02.2011 16:29:39
 
 
 
#21
Джаратама0
27.02.2011 16:30:07
 
 
 
#22
Джаратама0
27.02.2011 16:35:55
2) "Ким терк!"
Келишгенлерине кёре стрелкала бла кёргюзтюрге керек эди... заманнга этилгени себепли, женгил соруучукъла эдиле...
3) Оюнну ачхычы...Къайсы къауум хорлай бара эсе ол сайлагъанды биринчи кеси сюйген номинацияны. Бир минутха ненча соруугъа жууап этгенлери саналады, тюз жууапха бир балл

 
 
 
#23
Джаратама0
27.02.2011 16:41:31


Сёз ючюн "Эльбрусоид" къауум "Табийгъат" бёлюмню сайлагъан эдиле...

1. Хоразгъа башха тюрлю къалай айтыргъа боллукъду? (къытай, адакъа)
2. Шош желчик (аяз)
3. Ой ..., ... терекчик,
Тюшюп къалгъы эдим жанынга - жырда айтылгъан терекни аты (балли)
4. Битимни жайыучу, кёбейтиучю бюртюк. (урлукъ)
5. Жауун тамычылагъа кюн таякъла тийип, кёкде болуучу къынгыр, кёп тюрсюнлю ыз.(тейри къылыч)
6. Кесини атын айтып, къайсы къанатлы къычырады?( кукук)
7. Жерден ёрге кётюрюлген, гитче таучукъгъа ушагъан жер. (тёш)
8. Жаз башында терекле биринчи не этип башлайдыла? (копал)
9. Жырда къыз теплеген гюллени атлары (жанкъозла)
10. Къайсы кёгет терегинден кенг кетмейди (алма)
11. Тёгереги бегитилип жыйылгъан кёп суу (кёл)
12. Таулада болуучу къалын буз (чыран)
13. Артыкъ сёзню айт:
къоян, тюлкю, тауукъ, бёрю (тауукъ)
14. Къыш жукълаучу жаныуар ...(айыу)
15. Элия деген сёзню синонимии (шибиля)
16. Мажюсю заманда таулула табыныучу терекни аты (раубазы)
17. Къышны ахырында мал орундан, адам юйден чыкъмаучу сууукъ кюнле (балдыражюзле)

Бир такъыйкъагъа ненча соруугъа тюз жууап этгенлери саналгъанды бу оюнда
 
 
 
#24
Джаратама0
27.02.2011 16:43:16
 
 
 
#25
Джаратама0
27.02.2011 16:47:54
Жанкъозчукъла деген къауум а Малкъар литература деген бёлюмню сайлагъан эдиле



1. Малкъар литератураны мурдорун ким салгъанды? (Кязим)
2. Бёлляу деген жырланы кимлеге жырлайдыла? (Сабийлени жукълатханда)
3. Быйыл Мёчюланы Кязимни ненча жыллыгъын белгилейбиз? (151)
4. Халкъ жомакъланы автору кимди? (халкъ)
5. Кёбюсюнде къара сёз бла жазылыучу къыйын сюжетли уллу суратлау чыгъарма (проза)
6. Мёчюланы Кязимни туугъан жери (Шыкъы)
7. Бу кимни суратыды? (Бабаланы Ибрахимни)
8. Юч жазыучуну атларын, тукъумларын айт ( Шауаланы Миналдан, Токъумаланы Жагъафар, Додуланы Аскер...)
9. Бу кимди? (Шауаланы Ибрагим )
10. Гипербола неди? (семиртип, кёбейтип айтыу)
11. Уучулукъгъа баргъанда къайсы жырны жырлагъандыла?(Апсатыны жырын)
12. "Къайсы къолладыла бек огъурлу?" деген назмуну автору (Къулийланы Къайсын)
13. Къулийланы Къайсынны музейи къайдады? (Чегем 1)
14. Назму тизгинлени ахыр сёзлерини эшитилиулерини бирге ушашлыкълары (рифма)
15. Ийнай деген жырны не заманда жырлагъандыла?
16. Сахнада ойнаучу литература чыгъарманы бир тюрлюсю. (пьеса)
17. Таулула гыбытда жау чайкъагъан заманда жырлагъан жырлары (Долай)
 
 
 
Страницы: 1 2 3 4 5 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.