- Сакъламагъан затынга джолукъсанг, не бек къууанаса, не бек ачыйса.
- Билмегенинги, билгеннге сор.
- Орундукъ тюбюнде атылсам да, орта джиликме, де да айлан.
- Иги сеники эсе да, сюйген кесимикин этеме.
- Аш берме да, къаш бер.
- Билим – акъылны чырагъы.
- Бозанг болмагъан джерге, къалагъынгы сукъма.
- Уясында не кёрсе, учханында аны этер.
- Ашаса, ашамаса да, бёрюню ауузу – къан.
- Таула не мийик болсала да, аууш табылыр.
- Ариуну – ауруу кёб.
- Ач уят къоймаз.
- Мураты болгъанны джюрек тебюую башхады.
- Сакъалы текени да бар, мыйыгъы киштикни да бар.
- Джерни букъусу кёкге къонмаз.
- Алма терегинден кери кетмез.
- Джигер – джаннга къыйынлыкъ.
- Юй ишлеген балта эшикде къалыр.
- Ач къарным, тынч къулагъым.
- Аджалсыз ёлюм болмаз.
- Ёзденликни джайгъан – джокълукъ.
- Терек ауса, отунчу – кёб.
- Атынг аманнга чыкъгъандан эсе, джанынг тамагъынгдан чыкъсын.
- Джарашыу сюйген – джалынчакъ.
- Аш иеси бла татлыды.
- Келгинчи, къонакъ уялыр, келгенден сора, къонакъбай уялыр.
- Нарт сёз – тилни бети.
- Терслик кетер, тюзлюк джетер.
- Сормай – алма, чакъырылмай – барма.
- Азыкъ аз болса, эртде орун сал.
- «Ма», - дегенни билмесенг, «бер», - дегенни билмезсе.
- Башсыз урчукъ тюзюне айланмаз.
- Артына баргъанны, къатына барма.
- Хар ишни да аллы къыйынды.
- Ата Джуртча джер болмаз, туугъан элча эл болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Хар сёзню орну барды.
- Хаухну атма, ёнгкючню сатма.
- Тамырсыз терекге таянма – джыгъылырса.
- Биреуге аманлыкъны тилеме да, кесинге ашхылыкъны тиле.
- Аз сёлеш, кёб ишле.
- Бир абыннган – минг сюрюнюр.
- Байлыкъ келсе, акъыл кетер.
- Намысы болмагъанны, сыйы болмаз.
- Джангыз торгъай джырламаз.
- Тенгинг джокъ эсе – изле, бар эсе – сакъла!
- Эркишиге тары кебек танг кёрюнюр.
- Къартны бурнун сюрт да, оноугъа тут.
- Суу кетер, таш къалыр.
- Ауругъан – джашаудан умутчу.
Ана тилим - жаным-тиним!
17.02.2011 16:58:31
мен уже во всю хазырлана турама!
|
|
|
|
17.02.2011 17:54:12
Менцик-победительЦикме....................менме эм акъыллыцыкъ
-менцикге |
|
|
|
17.02.2011 17:56:41
хасаньяны кьызы
хау-хау сенцикге |
|
|
|
27.02.2011 15:58:28
Къауумланы башчылары кеслерини командалары бла танышдырадыла...
"Эльбруоидни" къаууму, башчы - Кючмезланы Исмаил (Балто) |
|
|
|
27.02.2011 16:01:13
"Беш да тау элни къызлары" (Педколледжден)
Къауумну башчысы - Малкъондуланы Люба |
|
|
|
27.02.2011 16:03:49
Къабарты-Малкъар Къырал Университетден "Жанкъозчукъла"-деген атлы къауум
Къауумну башчысы - Ахкубекланы Кулина |
|
|
|
27.02.2011 16:09:37
|
|
|
|
27.02.2011 16:11:16
|
|
|
|
27.02.2011 16:14:55
Ана тилге аталгъан бизни белгили поэтлерибиз жазгъан назмуладан биршерин кёлден билип келирге юйге аллай иш берген эдик.
|
|
|
|
27.02.2011 16:24:00
Жюри белгили этген эди назмула айтып эришиуде кимге 1-чи, 2-чи, 3-чю жерле бергенлерин. Школдача 1-чи жерге - 5, экинчиге ? 4, 3 ? 3 балл!
|
|
|
|
27.02.2011 16:29:39
|
|
|
|
27.02.2011 16:30:07
|
|
|
|
27.02.2011 16:43:16
|
|
|
|
Читают тему (гостей: 1)