- Къонагъы джокъну – шоху джокъ.
- Намысы болмагъанны, сыйы болмаз.
- Ишин билген, аны сыйын чыгъарады.
- Джангызны оту джарыкъ джанмаз!
- Терек ауса, отунчу – кёб.
- Хоншуну тауугъу къаз кёрюнюр, келини къыз кёрюнюр.
- Ауругъаннга – кийик саулукъ, джетген къызгъа – чилле джаулукъ.
- Ата Джуртун танымагъан, атасын да танымаз.
- Аз сёлешген, къайгъысыз турур.
- Бал – татлы, балдан да бала – татлы.
- От этилмеген джерден тютюн чыкъмайды.
- Ачлыкъ отха секиртир.
- Тилчи тилден къаныкъмаз.
- Ашын ашагъанынгы, башын да сыйла.
- Юй кюйдю да, кюйюз чыкъды, ортасындан тюйюш чыкъды.
- Къарнынг тойгъунчу аша да, белинг талгъынчы ишле.
- Эринчекни аурууу – кёб.
- Керилген да, ургъан кибикди.
- Окъугъан – асыу, окъумагъан – джарсыу.
- Джашлыкъ этмеген, башлыкъ этмез.
- Уллу айтханны этмеген – уллаймаз.
- Ёлмесенг да, къарт дамы болмазса?
- Чакъырылмай келген къонакъ сыйланмай кетер.
- Айныгъанлы алты кюн, тогъайгъанлы тогъуз кюн.
- Ишни аллы бла къууанма да, арты бла къууан.
- Къатын байлыкъны сюер, эр саулукъну сюер.
- Джаз бир кюнню джатсанг, къыш талай кюнню абынырса.
- Кюлме джашха – келир башха.
- Борчунг бар эсе, хурджунунга ойлаб узал.
- Суугъа – таянма, джаугъа – ийнанма.
- Ашлыкъны арба юйге келтирир, чана базаргъа элтир.
- Тил бла келеди джыр да.
- Юре билмеген ит, къонакъ келтирир.
- Билген билмегенни юретген адетди.
- Хата – гитчеден.
- Хар ишни да аллы къыйынды.
- Мен да «сен», дейме, сен да «кесим», дейсе.
- Эли джокъну – кёлю джокъ.
- Юй ишлеген балта эшикде къалыр.
- Аман къатын алгъан, арыр, иги къатын алгъан джарыр.
- Айырылгъанланы айю ашар, бёлюннгенлени бёрю ашар.
- Джюрекден джюрекге джол барды.
- Хансыз джомакъ болмаз.
- Чомартха хар кюн да байрамды.
- Сормай – алма, чакъырылмай – барма.
- Кийим тукъум сордурур.
- Аманны къуугъан, аманлыкъ табар.
- Хар адамгъа кеси миннген тау кибик.
- Ауругъан – джашаудан умутчу.
- Окъ къызбайны джокълайды.
