- Дууулдаса – бал чибин, къонса – къара чибин.
- Элиб деген, элге болушур.
- Тёгюлген тюгел джыйылмайды.
- Намыс сатылыб алынмайды.
- Акъылсызны джууукъгъа алма, акъыллыны кенгнге салма.
- Тёрени джагъы джокъ.
- Билген билмегенни юретген адетди.
- Намысы джокъну – дуниясы джокъ.
- Этим кетсе да, сюегим къалыр.
- Кёпюр салгъан кеси ётер, уру къазгъан кеси кетер.
- Суу ичген шауданынга тюкюрме.
- Айраннга суу къош, телиге джол бош.
- Атынг аманнга чыкъгъандан эсе, джанынг тамагъынгдан чыкъсын.
- От этилмеген джерден тютюн чыкъмайды.
- Аман адам элни бир-бирине джау этер.
- Биреуню эскиси биреуге джангы болмайды.
- Тенгинг джокъ эсе – изле, бар эсе – сакъла!
- Эки ойлашыб, бир сёлешген.
- Сакъламагъан затынга джолукъсанг, не бек къууанаса, не бек ачыйса.
- Уллу атлама – абынырса, уллу къабма – къарылырса.
- Кёз – сюйген джерде, къол – ауругъан джерде.
- Байны оноуу, джарлыгъа джарамаз.
- Сыфатында болмагъаны, суратында болмаз.
- Окъуусуз билим – джокъ, билимсиз кюнюнг – джокъ.
- Къатыны харакетли болса, эри къымсыз болур.
- Къонакъ аман болса, къонакъбай джунчур
- Ёгюзню мюйюзлери ауурлукъ этмейдиле.
- Тил джюрекге джол ишлейди.
- Миллетни бойну – базыкъ, аны бла кюрешген – джазыкъ.
- Къарнынг ауруса, ауузунгу тый
- Бети бедерден, намыс сакълама.
- Бозанг болмагъан джерге, къалагъынгы сукъма.
- Акъыл сабырлыкъ берир.
- Кёкдеги болмаса, джердегин кёрмейди.
- Тилчи тилден къаныкъмаз.
- Тилсиз миллет джокъ болур.
- Ичимден чыкъды хата, къайры барайым сата?
- Кюн кёрмеген, кюн кёрсе, кюндюз чыракъ джандырыр.
- Башы джабылгъан челекге, кир тюшмез.
- Аякъларынгы джууургъанынга кёре узат.
- Къарт бла баш аша, джаш бла аякъ аша.
- Тюзлюк шохлукъну бегитир.
- Халкъгъа джарагъан, джарлы къалмаз.
- Джашны джигитлиги сорулур, къызны джигерлиги сорулур.
- Билимли ёлмез, билимсиз кёрмез.
- Келгинчи, къонакъ уялыр, келгенден сора, къонакъбай уялыр.
- Эм уллу байлыкъ – джан саулукъ.
- Къонакъ болсанг, ийнакъ бол.
- Ишин билген, аны сыйын чыгъарады.
- Таула не мийик болсала да, аууш табылыр.
