- Этек чакъмакълары баш джаргъан, сёлешген сёзлери таш джаргъан.
- Ёпкелегенни ашы татлы болады.
- Джаз бир кюнню джатсанг, къыш талай кюнню абынырса.
- Эки ойлашыб, бир сёлешген.
- Тойну къарнашы – харс, джырны къарнашы – эжиу.
- Кийим тукъум сордурур.
- Ишлегенде эринме, ишде чолакъ кёрюнме.
- Къарнынг тойгъунчу аша да, белинг талгъынчы ишле.
- Башы ишлегенни, ауузу да ишлер.
- Игиге айтсанг – билир, аманнга айтсанг – кюлюр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ат басханны джер билед.
- Акъыллы айтыр эди, акъылсыз къоймайды.
- Тенгни тенглиги джашай барсанг билинир.
- Ханнга да келеди хариблик.
- Бёрю да ач къалмасын, эчки да ашалмасын.
- Аманны къуугъан, аманлыкъ табар.
- Адеб этмеген, адеб кёрмез.
- Окъуу – билимни ачхычы, окъуу – дунияны бачхычы.
- Ойнаб айтсанг да, эслеб айт.
- Ач отунчуну ачыуу – бурнунда.
- Кёзден кетген, кёлден да кетеди.
- Кирсизни – саны таза, халалны – къаны таза.
- Нёгер болсанг, тенг бол, тенг болмасанг, кенг бол.
- Шекер бла туз – бир болмаз, ушамагъан – юй болмаз.
- Аджашханны ызындагъы кёреди, джангылгъанны джанындагъы биледи.
- Юре билмеген ит, къонакъ келтирир.
- Эшекни не къадар тюйсенг да, ат болмаз.
- Биреуге аманлыкъ этиб, кесинге игилик табмазса.
- Кёб къычыргъандан – къоркъма, тынч олтургъандан – къоркъ.
- Джырына кёре эжиую.
- Сабийни джумушха джибер да, ызындан бар.
- Къууут – джелге, берне – бошха.
- Тёзгеннге, джабылгъан эшик ачылыр.
- Агъач – джерни чырайы, кийим – эрни чырайы.
- Ётюрюкню къуйругъу – бир тутум.
- Бозанг болмагъан джерге, къалагъынгы сукъма.
- Ачыкъ джюрекге джол – ачыкъ.
- Къатын байлыкъны сюер, эр саулукъну сюер.
- Тешик этген тынчды, аны джамагъан къыйынды.
- Эринчекни аурууу – кёб.
- Харам къарнашдан, халал тенг ашхы.
- Ашыкъгъанны этеги бутуна чырмалыр.
- Билеги кючлю, бирни джыгъар, билими кючлю, мингни джыгъар.
- Дженгил джетерикме деб, узун джолну къоюб, къысхасын барма.
- Джашда акъыл джокъ, къартда къарыу джокъ.
- Юй ишлеген балта эшикде къалыр.
- Къолу уллу – асыу, аягъы уллу – джарсыу.
- Гитче джилтин уллу элни джандырыр.
- Гыдай эчки суугъа къараб, мюйюзле кёрмесе, джашма алкъын, дегенди.
